कालिगण्डकी–तिनाउ डाइभर्सन : ‘यस क्षेत्रका लागि गेम चेन्जर प्रोजेक्ट’

बुटवल । उप-प्रधान तथा गृह मन्त्री विष्णु पौडेलले कालिगण्डकी–तिनाउ डाइभर्सन यस क्षेत्रका लागि गेम चेन्जर प्रोजेक्टका रुपमा रहेको बताएका छन् । यो आयोजनाले यस क्षेत्रको विकासमा कायापलट ल्याउँदै सिँगो मुलुकको मुहार फेर्नमा महत्पूर्ण भूमिक खेल्ने उल्लेख गरे ।

कालिगण्डकी–तिनाउ डाइभर्सन बहुउद्देश्यीय परियोजनाको बुटवलमा स्थापना भएको कार्यालयको शनिबार समुद्घाटन गर्दै उनले आयोजना सपम्पन्न गर्नका लागि श्रोतको अभाव नहुने र दक्ष जनशक्तिको समेत अभाव हुन नदिने प्रतिवद्धता व्यक्त गरे । विद्युत उत्पादनसँगै रुपन्देही, कपिलवस्तुर नवलपरासीका खेतीयोग्य जमिनलाई सिञ्चित गरी आर्थिक समृद्धिमा महत्वपूर्ण उपलब्धि हासिन गर्न सकिने बताए ।

आयोजना बारे जानकारी गराउँदै अर्थ, उद्योग बाणिज्य तथा आपुर्ती, उर्जा, जलश्रोत तथा सिञ्चाई मन्त्रि समेत रहेका पौडेलले १२६ मेगावाट विद्युत उत्पादन हुने उल्लेख गरे । कालगण्डकी नदीको राम्दी पुलदेखि २ दशमलव ३ किलोमिटर तल रहेको रम्भा गाउँपालिका–३ क्षेत्रबाट २७ किलोमिटर सुरुङहुँदै पाल्पाको तिनाउ–३ दोभानमा पानी खसाल्ने योजना रहेको छ । सुरुङ मार्फत ८२ घनमिटर प्रतिलिटर पानी ल्याएपछि दोभान ड्याम निर्माण गरी ५४ मेगावाट विद्युत उत्पादन गर्ने लक्ष्य रहेको छ भने दोभानबाट ७ किलोमिटर सुरुङहुँदै रुपन्देहीको बुटवल उपमहानगर–१३ बेलबासमा पानी खसाली ७२ मेगावाट विद्याुत उत्पादन हुने गृहमन्त्री पौडेलले जानकारी गराए ।

कालिगण्डकीबाट ६ दशमलव ५ मिटरको गोलाई सुरुङ निर्माण गरी पानी ल्याउने योजना छ । उक्त पानीले रुपन्देहीमा ५३ हजार तथा कपिलवस्तुमा ५४ हजार जमिन सिञ्चाई गर्ने लक्ष्य राखिएको छ । आयोजना सम्पन्न गर्नका लागि ६४ अर्ब विद्युत उत्पादनको क्षेत्रमा तथा ७४ अर्ब सिञ्चाईको संरचना तयार पार्नका लागि खर्च अनुमान गरिएको छ । यसरी आयोजना सम्पन्न गर्नका लागि कूल १ खर्ब ३८ अर्ब खर्च लाग्ने प्रारम्भीक अनुमान गरिएको छ ।

बुटवलमा आयोजनाको कार्यालय स्थापनासँगै जग्गा अधिग्रहण तथा डिपिआरको काम अघि बढ्ने भएको छ । अयोजना अन्तरगत कालिगण्डीमा नियमित बहनका लागि २० घनमिटर प्रतिसेकेण्ड पानी छोडिने भएको छ ।

कालिगण्डकी-तिनाउ डाइभर्सन : ३५ किलोमिटर सुरुङ खनेर १ लाख हेक्टर बढी जमिनमा सिञ्चाई