२१ मंसिर २०७८, मंगलवार

Dec 7, 2021

बुटवल । हिजो-आज सुर्खेतमा श्रुति कार्कीलाई नचिन्ने बिरलै होलान् । ब्वाइज कट कपाल, फुर्टिलो, छरितो शरीरमा झ्वाट्ट हेर्दा श्रुतिलाई सेना प्रहरीमा भर्तिका लागि तयारी गरिरहेको युवक जस्तै देखिन्छ ।

Advertisement

सुर्खेत बिरेन्द्रनगरमा पिता चन्द्रबहादुर कार्की र माता सुनीता कार्कीको चार मध्ये तेस्रो सन्तानका रुपमा उनको जन्म भएको थियो । उनको सानैदेखि केटाहरु जस्तो देखिन रुचाउने स्वभाव थियो । बाल्यकालदेखि नै परम्परागत रुपमा बालिकाहरुका लागि भनेर समाजले निर्धारित गरेका पोशकहरु जामा र फ्रकभन्दा पुरुषहरूले लगाउने टिशर्ट, शर्ट र पाइन्ट नै लगाउदा आफूलाई सहज भएको महशुस गर्थिन् । समयको क्रमसँगै २०७३ साल फाल्गुणमा श्रुतिको नाताले भिनाजु पर्ने प्रमोद हमालले मध्ये पश्चिम फिटनेस सेन्टर उनको घर नजिकै शुरुवात गरेका थिए । त्यतिबेलासम्म सुर्खेतमा महिलाहरुमा खासै फिटनेसप्रति मोह पलाई सकेको थिएन । हमालले आफ्नो जिममा आएर श्रुतिलाइ ट्रेनिङकालागि अनुरोध गरे ।

परिवारको सहमतिपछि श्रुति समेत तयार भइन् । गुरुको निगरानीमा मेहनती कार्कीले ट्रेनिङ शुरू गरेको छोटो समयमै शरिरमा राम्रो परिवर्तन देखिन थाल्यो । प्रशिक्षक प्रमोद भन्छन् “श्रुति ट्रेनिङमा असाध्यै लगनशील थिइन् । उनको जेनेटिक्स नै राम्रो थियो । उनी निकै मेहनती र अनुशासित भएका कारणले उनमा शारीरिक सामर्थ क्रमिक रुपमा वृद्धि हुँदै गयो । जिममा वेट ट्रेनिङ गर्दा ठूला वेटहरु समेत सहजै उचाल्ने गर्थिन । छोटो समयमा नै उनिमा हुँदै गएको शारीरिक प्रगति देखेर हमालले कार्कीलाई ‘अब तिमी यस खेलमा लाग्नुपर्छ केही गरेर आफ्नो ठाँउको नाम राख्नु पर्छ’–भनेर सुझाय ।

अब तिमिले नियमित अभ्याससँगै उचित खानपान र यश खेलको अनुशासन समेतको पालना गर्नुपर्छ भनेर बुझाए । यही क्रममा वि.स. २०७६ सालमा नेपाल शारीरिक सुगठन तथा फिटनेस संघको आयोजनामा काठमाडौमा सातौ मिष्टर हिमालय शारीरिक सुगठन तथा महिला फिजिक्स प्रतियोगिताको आयोजना भयो । श्रुति त्यसमा सहभागी भइन् र महिला विधातर्फ नपत्याउँदो गरी श्रुगिले छैठौ स्थान प्राप्त गरिन् । पहिलो प्रतियोगितामा नै छनौट चरण पार गरेर छैठौ स्थान लिन सफल भएकाले उनमा थप हौसाला बढ्यो । त्यहि वर्ष काठमाडौ जिल्ला शारीरिक सुगठन संघको आयोजनामा चौथो मिष्टर काठमाण्डौं शारीरिक सुगठन प्रतियोगिता तथा महिला एथलेटिक्स फिजिक्स प्रतियोगिताको आयोजना भयो । सो प्रतियोगिताको तयारीमा तिन दिन अगाडीदेखि सुर्खेतबाट काठमाडौ पुगेका गुरुचेली होटलमा राति अवेरसम्म पोजिङ्ग अभ्यास गरेको हमाल सम्झन्छन ।

सो प्रतियोगिता नै श्रुतिको जीवनको टर्निङ पोइन्ट सावित भयो । यसपछि उनी निरन्तर खेलमा लागि परिन् । यही क्रममा उनले पोखरामा सोहि वर्ष आयोजना भएको गोर्खा क्लासिक महिला एथलेटिक्स फिजिक्स प्रतियोगितामा समेत सहभागी हुने अवसर पाइन् । आफ्नो परीक्षाका कारण तयारीमा पर्याप्त समय दिन नपाएको हुँदा यस पटकको उनको नतिजा भने सोचे जस्तो राम्रो हुन सकेन ।

यसरी नै दिनहरु बित्दै गए । सुर्खेत घुम्न आएका शारीरिक सुगठनका अन्तराष्ट्रिय खेलाडी जीवन गिरी घुम्दैफिर्दै प्रमोद हमालको जिममा आइपुगे । गफिने क्रममा गिरीको नजर ट्रेनिङ्ग गरिरहेको श्रृतीमाथी पर्यो । गिरीले भारतमा हुदै गरेको २१ औँ वल्र्ड पावर लिफ्टिङ च्याम्पियनसीपमा श्रुतिलाइ सहभागी गराउन हमाललाई आग्रह गरे । प्रतियोगिताका लागि तिन महिना मात्र समय बांकी थियो । गुरु चेलीले उक्त प्रतियोगिताका लागि तयारी शुरु गरे । प्रतियोगिता हुने दिन नजिक आइपुग्यो ।

झन्डै २३ घण्टाको सडक यात्राबाट छनोट भएका नेपाली टोली भारतको मुम्बइ अमरावति पुग्यो । एकदिन बिहान हमालको मोवाइलमा घण्टी बज्छ । उताबाट रुदै श्रृतिले आफूले जुनियर विधा स्वर्ण पदक जितेको गुरुलाई सुनाउँछिन् । हर्ष मिश्रित आँशुमा हमालले उनलाई बधाई दिन्छन् ।

पदक जित्दाको क्षण सम्झदै श्रुति भन्छिन् ‘पदक प्राप्त हुँदा देशलाई र परिवारलाई सम्झिएँ । मैले प्राप्त स्वर्ण पदक देशका लागि थियो । त्यस बेला देशको झण्डा भिरेर पदक लिंदाको क्षणको हर्ष बयान गर्ने म सँग कुनै शब्द नै छैन । वल्र््ड पावर लिफ्टिङ फेडेरेशन तथा एमेच्योर पावर लिफ्टिङ फेडेरेशनको आयोजनामा भारतको अमरावतीमा गत डिसेम्बर ४ देखि ७ तारेखसम्म भएको प्रतियोगितामा श्रुति सहित नेपालबाट गएका टोलीलाइ नेपाल फर्कने क्रममा नेपाल भारतको सीमाना सुनौलीमा नेपालीहरुको भिडले भव्य स्वागत गरेको थियो ।

सुर्खेतमा पनि उनको हजारौका भिडले भब्य स्वागत सहित नगर परिक्रमा समेत गराएको थियो । कर्णाली प्रदेश सरकारले उनलाई नगद दुई लाख सहित सम्मान गर्यो । सम्मान गर्नेमा विभिन्न संघसंस्था उद्योग वाणिज्य संघ लगायत उनले पढेको विद्यालयले समेत श्रुतिलाई सम्मान गर्यो । श्रुति भन्छिन् ‘जीवनमा आँटेको गर्न नसक्ने भन्ने केही पनि छैन । गरेर छाड्छु भनेर हिम्मत गरियो भने जहाँसुकै बिधामा सफलता पाइन्छ, सँगसँगै खुसी र सन्तुष्टि पनि । ’

प्रतिकृया दिनुहोस्

Flash News

प्रधानन्यायाधीश जबरालाई महाअभियोग लगाउन केपी ओलीलाई बारको ज्ञापनपत्र यसवर्ष ढोरपाटनमा चुके सिकारी बुटवलको दीप बोर्डिङ्ग स्कूलमा ‘दीप स्वाट’ सैनामैनामा कर्मचारी संगठनको नयाँ नेतृत्व रुपन्देहीमा ‘ओमिक्रोन’ भित्रिन नदिन उच्च सतर्कता काँग्रेस केन्द्रिय सदस्यमा लुम्बिनीका ऊर्जा, जलस्रोत मन्त्री रानाको उमेद्वारी झापामा वर्षमा आठ सय बढी हराउँछन्, मान्छे हराउँदा आधा मात्र भेटिन्छन् राष्ट्रियसभा निर्वाचन कार्यतालिका : २० पुसमा मनोनयन, ५ दिनपछि अन्तिम नामावली, ६ घण्टा मतदान सभापतिको साझा उम्मेदवार चयन गर्न चाक्सीबारीमा पौडेल-कोइराला समूहको बैठक सुरु इन्डोनेसियामा ज्वालामुखी विस्फोटमा परी ३४ को मृत्यु सीमा नाकामा ओमिक्रोनको त्रास : भारतबाट भित्रिनेहरू विशेष निगरानीमा ओमिक्राेन बिरामीले भरिए अस्पताल मालीमा भएको आतङ्कवादी हमलाको संयुक्त राष्ट्रसंघको सुरक्षा परिषदद्वारा निन्दा राप्रपालाई ज्ञानेन्द्र शाहको भजनमण्डली बनाउन दिन्नँ : कमल थापा तीन जोनका लागि रु पाँच करोड विनियोजन न्यानो घर निर्माणमा आर्थिक अभाव कमल थापालाई पार्टी फुटाउन पाथीभारा देवीको कसम बाधक ! कांग्रेस महाधिवेशन : १३ पदाधिकारीसहित एक सय ३४ जना निर्वाचनबाट चुनिँदै नारायणी नदी तटबन्धनका लागि पाँच अर्ब जुटाइँदै, भरतपुर महानगरको सक्रियता मकवानपुरमा कोरोना विरुद्धको खोप लगाएकी महिलाको मृत्यु