१७ माघ २०७९, मंगलवार

Jan 31, 2023

यस वर्ष मंसिरको अन्त्यदेखिनै चिसो बढेको छ । यससँगै तराईमा चिसोको कहर नै सुरु भएको छ । अर्कोतर्फ कोरोना कहर पनि रोकिएको छैन । कोरोना संक्रमणको जोखिमसँगै बढेको जाडोले थप त्रास थपिएको छ । मौसम परिवर्तनसँगै जाडोको मौसम सुरु भएको छ । कार्तिकको अन्त्यसँगै तराइमा जाडो दिनानुदिन बढ्दछ  भने पौष र माघमा निकै कष्टकर हुन्छ ।

Advertisement

विगतका वर्षहरूमा पुस लागेपछि बढ्ने गरेको चिसो हावा यस वर्ष भने मंसिरकै अन्तिम सातामा ह्वात्तै बढेको हो । एकाबिहानैदेखि बाक्लो हुस्सु लागेर पश्चिमी वायु लगातार बहिरहेपछि मध्यपूर्वी तराईमा जनजीवन अत्यन्त कष्टकर बनेको छ । बिहान हुस्सुले ढाक्दै आएको छ भने मध्याह्नसम्म घाम देखिँदैन । त्यसपछि झल्याकझुलुक देखिने घाम मधुरो हुने र चिसो सिरेटो लगातार चलेपछि यसपटक मंसिरमै जाडो निकै बढेको हो । नेपालको दक्षिण भागमा अवस्थित तराईमा अत्यधिक गर्मी र अत्यधिक जाडो दुबै हानिकारक हुन्छन् । यस मौसममा अत्यधिक चिसोका कारण कैंयौं मानिस र पशुपंक्षीहरूले ज्यान गुमाउने गर्दछन् ।

विशेष गरी पौष र माघ महिनाको जाडोको समयमा दैनिक जनजीवनमात्र होइन, मानिसको स्वास्थ्यमा नै प्रतिकूल असर पर्दछ । सामान्यतया चिसो मौसम मनपर्ने मौसम पनि हो । तर, अत्यधिक चिसो मौसममा भने घरबाट बाहिर वा काममा जानका लागि निकै समस्या पर्दछ । यस्तो अवस्थामा आफूलाई न्यानो र तातो बनाएर परिवारसँग समय बिताउन अधिकांशलाई मनपर्दछ । तर, तराईका जिल्लाहरूमा अधिकांश किसान एवम् व्यापारी तथा व्यवसायी हुने हुँदा धेरैजसो समय घरभन्दा बाहिर बिताउनुपर्ने हुन्छ । यस्तो अवस्थामा विशेष सावधानी अपनाउन आवश्यक छ । चिसो मौसममा विशेषगरी खानपिन र लत्ताकपडामा ध्यान पु¥याउनु पर्दछ ।

यति शरिरलाई तातो बनाउने वा तापक्रम बढाउने खाना खाइएन वा लत्ताकपडा प्रयोग गरिएन भने शरिरले चिसोको प्रतिरोध गर्न सक्दैन । जसले गर्दा विभिन्न समस्याहरू मात्र नभई मानिसको मृत्यु नै हुनसक्छ । जाडोमा रुघाखोकी जस्ता सामान्य रोगहरू मात्र नभई मौसमले विभिन्न प्राणघातक रोगहरू पनि लिएर आएको हुन्छ । हृदयघात, दमको आक्रमण, छाला चिलाउने, जोर्नी दुख्ने, साइनसाइटिस जस्ता खतरनाक रोगहरूले आक्रमण गर्न सक्छन् । जाडो मौसममा हृदयघातको खतरा बढी हुन्छ । जब तापक्रम घट्दै जान्छ रगत बग्ने धमनीहरू संकुचित हुँदै जान्छन् । यसले मुटुलाई रगत पम्प गर्न गाह्रो हुन्छ  । विशेषज्ञका अनुसार ३० वर्षभन्दा धेरै उमेरका मानिसहरूले चिसो मौसममा आफूलाई आवश्यकता भन्दा धेरै थकाउनु हुँदैन ।

जाडो मौसममा दम धेरै बढेको महशुस भएको हुन सक्छ । यस्तोमा चिसो र सुख्खा हावाले वायुमार्गलाई कस्न थाल्छ र श्वासप्रश्वासलाई अझै खराब बनाउँछ । चिसो समयमा मानिसहरूले सामना गर्ने सबैभन्दा आम समस्यामध्ये एक छाला चिलाउनु पनि हो । चिसोमा कम आद्रताको कारण छाला चिलाउन थाल्छ । शीतकालिन मौसममा जोर्नीको दुखाईबाट धेरै मानिसहरू पिडित हुन्छन् । टाउको दुख्ने, रुघाखोकी आदि चिसोमा हुने आम समस्या हुन् । साइनसाइटिसको समस्या त्यतिखेर हुन्छ जब घर बन्द हुन्छ र कुनै उचित भेन्टिलेसन हुँदैन । चिसो मौसममा तराईमा अत्यधिक चिसोले बढी मात्रामा वृद्धवृद्धालाई र बालबालिकालाई बढी असर गर्दछ ।

त्यसैगरी आवश्यकता अनुसार खानपिन र लत्ताकपडा जुटाउन नसक्ने गरिब वर्ग, सडक बालबालिका लगाएत आफ्नो शरिरको ख्याल नगर्नेहरूलाई चिसो मौसम घातक हुन्छ । चिसोसँगै सबैले आ–आफ्नो स्वास्थ्यमा ध्यान दिन आवश्यक छ । त्यसो त शरिर र स्वास्थ्यको ध्यान सधैं राख्न आवश्यक छ । तर तराईमा बढ्दो चिसोले धेरैको ज्यान लिन सक्छ । यसर्थ अविभावकहरूले आफ्नोसँगै आफ्ना बालबालिकाको हेरचाहमा समय दिनु पर्दछ । त्यसैगरी घरका सदस्यहरूले वृद्धवृद्धाको विशेष हेरचाह गर्न आवश्यक छ ।

अर्कोतर्फ गरिब, असहाय, सडक बालबालिका लगाएत साहाराबिहिनहरूलाई आ–आफ्नो ठाउँबाट सबैले सहयोग गर्नुपर्दछ  । त्यसो त वर्षेनी चिसो मौसम आउन गर्दछ । र, सो समयमा विशेषगरी गरीब,विपन्न , सडक बालबालिका लगाएतको जीवन निकै कष्ठकर हुने गर्दछ । कैंयौंले ज्यान गुमाउँदै आएका छन् । यस वर्ष कोरोना संक्रमण र लकडाउनका कारण लामो समयदेखिको बन्दाबन्दीले श्रमजिवी तथा गरीब–विपन्न वर्गहरुको जीवनयापनमा थप समस्या परेको छ । जाडो बढेसँगै नियमित क्रियाकलाप गर्नुपर्ने त छदैंछ । अर्कोतर्फ चिसोमा आवश्यक खाद्यान्न र लत्ताकपडाहरुको आवश्यकता र माग बढ्दो छ । तर, आर्थिक अवस्थाका कारण ती आवश्यकता पूरा गर्न असमर्थ हुने देखिन्छ । तसर्थ यसतर्फ उनीहरु सचेत हुन र सरोकारवालाको ध्यान जान आवश्यक छ ।

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु