प्रथम प्रचण्ड थैव स्मृति कप: सराई र भैरहवा-११ विजयी

बुटवल । प्रथम प्रचण्ड थैव स्मृति नकआउट फुटबल प्रतियोगिता अन्तरगत सोमबार भएको खेलमा भैरहवा-११ र सराई एफसी पाल्पा विजयी भएका छन् । सिद्धेश्वर खेलमैदानमा भएको पहिलो खेलमा सम्पुर्ण एफसी सुपौलीलाई भैरहवा-११ र दोस्रो खेलमा सयपत्री युवा क्लबलाई सराई एफसीले समान २-१ गोल अन्तरले पराजित गर्दै दोस्रो चरणमा प्रवेश गरेको हो ।

Advertisement

पहिलो खेलमा भैरहवाका सुबिन बिकले खेलको ४४ औ मिनेटमा गोल गर्दै टिमलाई खाता खोलेका थिए । भैरहवाकै सरुण थापाले ५५ औ मिनेटमा अर्को गोल गरे । सम्पुर्णका कमल गुरुङले ६९ औ मिनेटमा सान्त्वना गोल गरेका थिए । भैरहवाका जितेश गुरुङ खेलमा म्यान अफ दी म्याचबाट पुरस्कृत भएका थिए ।

यसैगरी सोमबार नै भएको अर्को खेलमा सराई एफसी पाल्पाको जितमा अनिल गाहाले खेलको तेस्रो र ३९ औ मिनेटमा गोल गर्दै टिमलाई विजयी बनाएका थिए । भने खेलको अन्तिम मिनेटमा सयपत्रीका रोशन घतानेले सान्त्वना गोल गरेका थिए । खेलमा सराईका अनिल गाहा म्यान अफ दी म्याच घोषित भएका थिए ।

मंगलबार दुई वटा खेलहरु हुनेछन । बिहान पहिलो खेलमा नवएकता एफसी शिवपुर र केरवानी एफसी ढिकार तथा दोस्रो खेलमा चादनी एफसी दानापुर र फर्साटिकर एफसी फर्साटिकरका बिचमा खेल हुने प्रचार संयोजक कृष्ण कुमालले बताए । प्रतियोगिताको उपाधि विजेताले नगद ५५ हजार ५ सय ५५ रुपैया, कप, मेडल, प्रमाणपत्रबाट पुरस्कृत गरिने खेल संयोजक चक्र खड्काले बताए । यसैगरि उपविजेता टिमले नगद २५ हजार ५ सय ५५ रुपैया, कप, मेडल, प्रमाणपत्रबाट पुरस्कृत गरिने छ । यसैगरि प्रतियोगितामा विधागत रुपमा खेलाडीहरुलाई समेत पुरस्कृत गरिने छ ।