ताजा अपडेट »

सिकार खेल्नजाँदा गोली लागेर एकजनाको मृत्यु

बुधबार, ०३ मंसिर २०७७, १९ : ५०
8 Shares

दाङ । दाङमा बन्दुकको गोली लागेर एक जना युवकको मृत्यु भएको छ । मृत्यु हुनेमा बंगलाचुली गाउँपालिका २ का २७ बर्षीय भोजबहादुर घर्ती रहेको जिल्ला प्रहरी कार्यालय दाङले जनाएको छ । मंगलबार राति करिब साढे ८ बजेतिर सोही ठाउँका अर्का टोपबहादुर घर्ती र भोजबहादुर परामुनी सोतामा बन्दुक लिइ कालिजको सिकार गर्न जाने क्रममा भिरबाट लड्दा टोपबहादुरले बन्दुक लिने क्रममा बन्दुक पड्किदाँ भोज बहादुरको पेटभन्दा माथि गोली लागेर घटनास्थल मै मृत्यु भएको जिप्रका दाङका प्रवक्ता एवं डिएसपी सुमित खड्काले जानकारी दिए ।

त्यसैगरी प्रहरीले टोपबहादुरलाई नियन्त्रणमा लिइ मुलुकी अपराध संहिता ऐन २०७४ को कर्तब्य ज्यान कसुरमा मुद्दा दर्ता गवरी थप अनुसन्धान गरिरहेको प्रहरीले जनाएको छ । त्यसैगरी प्रहरीले दाङको घोराहीबाट जुवा खेलीरहेको अवस्थामा साढे २ लाख बढि रुपैयाँसहित ७ जनालाई पक्राउ गरेको छ । घोराही उपमहानगरपालिका १६ नमुना टोलमा जुवा खेलिरहेको भन्ने गोप्य सूचनामा आधारमा जिप्रका दाङबाट गएको प्रहरी टोलीले २ लाख ६८ हजार ३१५ रुपैयाँसहित ७ जना र लाई पक्राउ गरेको प्रवक्ता खड्काले जानकारी दिए । उनीहरुलाई मंगलबार पक्राउ गरेको प्रहरीले जनाएको छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।