भैरहवा ट्यांकर आगलागी अपडेट : डिजलसहित ट्यांकर नष्ट ,अपरेटर घाइते

बुटवल । रुपन्देहीको सिद्धार्थनगरपालिका वार्ड नं.८ मा रहेको एभरेष्ट आयल सप्लायर्समा भएको आगलागीको क्षति विवरण प्राप्त भएको छ । पम्पकोको लागि इन्धन लिएर आएको ट्यांकरले ट्यांकीमा तेल खनाउने क्रममा ट्यांकरमा भएको आलगागीबाट लु २ ख १५४१ नम्बरको ट्यांकर पूूर्ण रुपमा नष्ट भएको र सो मा रहेको ३० हजार लिटर डिजल पनि नष्ट भएको रुपन्देही प्रहरीले जानकारी दिएको छ ।

त्यसैगरी आगलागीबाट इन्धन खन्याउने मेशिन अपरेटर नारायण खनालको हात खुट्टा पोलेर सामान्य घाइते भएको रुपन्देही प्रहरी प्रवक्ता खड्क बहादुर खत्रीले बताए । सोमबार राती करिब ८ बजे भएको आगलागी सिद्धार्थनगर नगरपालिका, तिलोत्तमा नगरपालिका,बुटवल उपमहानगरपालिका र लुम्बिनी सांस्कृतिक नगरपालिकाका दमकलले संयुक्त रुपमा निभाइसकेको उनले बताए