ताजा अपडेट »

भैरहवामा ८ जना कोभिड संक्रमित थपिए, लकडाउनमा कडाई

आइतबार, ३२ साउन २०७७, १५ : ४४
18 Shares

भैरहवा । लकडाउन खुकुलो भए पछि भैरहवामा कोभिड-१९ संक्रमितहरुको संख्या पनि दैनिक बढ्दै गई रहेको छ । हिजो मात्र नेपाल एसबिआई बैंकमा १२ जना सहित १४ जनामा संक्रमण देखिएको थियो । संक्रमण देखिने क्रम अझै रोकिएको छैन । आज मात्रै भैरहवामा थप ८ जना कोभिड-१९ संक्रमित देखिएको स्वास्थ्य कार्यालय भैरहवाले जानकारी दिएको छ ।

नेपाल आयल निगम भैरहवा बितरण केन्द्रका ३ जना कर्मचारीमा पनि संक्रमण पाईए पछि आज देखीे भैरहवा वितरण केन्द्र अर्को सूचना नआउदा सम्मको लागी बन्द गरिएको छ । नेपाल आयल निगमको भैरहवा बितरण केन्द्रमा ३ जना, प्रादेशिक कार्यालय भलवारीमा ३ जना र हवाई इृन्धन तर्फ ८ जना गरि १४ जना कर्मचारीमा संक्रमण देखिएको नेपाल आयल निगम प्रादेशिक कार्यालय प्रमुख सुरेश साहले जानकारी दिए ।

भैरहवामा आज देखिएका ८ जना मध्ये अञ्चलपुर, बुद्धकलोनी, सिद्धार्थनगर नगरपालिका वडा नम्बर ५ का रहेको स्वास्थ्य कार्यालय भैरहवाका भेक्टर कन्ट्रोल निरिक्षक केदार साहले जानकारी दिए । उनले आजै ओमसतिया गाउँपालिकामा १ जना, सियारीमा १ जना, बुटवल उपमहानगर पालिकामा १ जना र तिलोत्तमा नगरपालिकामा ६ जनामा पनि संक्रमण पुष्टि भएको जानकारी दिए ।
यस संगै रुपन्देहीको सिद्धार्थनगर नगर पालिकामा संक्रमितको संख्या ४८ पुगेको छ ।

यस्तै बुटवल उपमहानगरपालिकामा ५८, लुम्बिनी सांस्कृतिक नगरपालिकामा ६१, तिलोत्तमामा ५०, देवदह नगरपालिकामा १७, सैनामैना नगरपालिकामा ४३, मायादेवी गाउँपालिकामा १७, ओमसतियामा १ रोहिणीमा ८, मर्चवारी गाउँपालिकामा १५, सम्मरीमाईमा २७, सियारीमा ८, सुद्धोधनमा ८ गैडहवामा २६, कोटहीमाईमा २६ , कन्चनमा २४ जना संक्रमित पुगेको साहले जानकारी दिए ।

भैरहवा क्षेत्रमा पनि संक्रमितको संख्या बढ्दै गए पछि अहिले सिद्धार्थनगर नगर पालिका क्षेत्रलाई लकडाउन गरिएको छ । शनिबार राती देखी गरिएको लकडाउनको कारण यहाको जनजिवन प्रभावित बनेको छ । लकडाउन खुकुलो भए संगै बिस्तारै जनजिवन सामान्य हुन लागेको अवश्थामा पुन लकडाउन हुदा यहाको आर्थिक गतिविधि सुस्ताउने ब्यवसायीहरुको भनाई छ ।

लकडाउनको प्रभाव भैरहवा क्षेत्रमा देखिएको छ । मूख्य सडकहरुमा अत्यावश्यक सवारी बाहेक अन्य कुनै पनि सवारी सञ्चालनमा आएका छैनन भने पसलहरु समेत बन्द रहेका छन् । नगर क्षेत्रमा प्रहरीका बाक्लो उपस्थिति रहेको छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।