बुटवल । लुम्बिनी साना तथा मझौला ढुवानी ब्यवसायी संघको ८ औं स्थापना दिवश तथा बार्षिक उत्सवको पूर्व सन्धामा रक्तदान गरिएको छ । रक्तदान जीवनदान भन्ने उद्देश्यले आयोजना गरिएको कार्यक्रममा ४९ युनिट रगत संकलन भएको छ ।
कोभिड-१९ महामारीको समयमा रगतको अभाव भई कसैले पनि ज्यान गुमाउनु नपरोस भन्ने हेतुले रक्तदान कार्यक्रमको आयोजना गरिएको संघका अध्यक्ष लक्ष्मण क्षेत्रीले बताए । क्षेत्रीले बुटवल र भैरहवा आसपास क्षेत्रमा रक्ततत्वको अभाव हुन नदिन संघले रक्तदान कार्यक्रमको आयोजना गरेको बताए । संघको स्थापना दिवश तथा बार्षिक उत्सवमा लकडाउनका कारण अन्य कार्यक्रम गर्न नपाए पनि रक्तदान कार्यक्रमलाई भने निरन्तरता दिएको कार्यक्रम संयोजक संघका सदस्य नविन पोख्रेलले बताए ।
सो अवसरमा प्रदेश ५ ट्राफिक प्रहरी कार्यालय बुटवलका प्रमुख प्रहरी नायव उपरिक्षक डिल्लि नारायण पाण्डे र इ.प्र.का. बुटवलका प्रमुख प्रहरी नायव उपरिक्षक प्रतित सिंह राठोर, संघका सह-सचिव कृष्ण चौहान क्षेत्री लगाएतले रक्तदान जीवन दान सम्झेर रगत दान गर्नेहरुलाई आभार प्रकट गरे । कार्यक्रममा ५०/५० थान केएन ९५ माक्स र सेनेटाईजर प्रदेश ५ ट्राफिक प्रहरी कार्यालय बुटवल र ईलाका प्रहरी कार्यालय बुटवललाई हस्तान्तरण गरिएको संघले जनाएको छ ।
युनिकोड
मिति रूपान्तरण
ग्लोबल आवाज
प्रतिक्रिया