गुल्मी । दुई दिनको अन्तरालमा बडिगाड खोलमा डुबेको अवस्थामा दुई जनाको शव फेला परेको छ । शनिबार अपरान्ह अन्दाजी ५ बजेको समयमा मुसिकोट नगरपालिका ४ आरुपाटाका २१ वर्षिय सन्दिप कुमाल र आईतबार दिउँसो ११ बजेको समयमा गुल्मीदरबार गाउँपालिका २ घोरा उपल्लाखर्कका १२ वर्षिया छोरा प्रिन्स सारुको शव बडिगाड खोलामा फेला परेको हो ।
जिल्ला प्रहरी कार्यालयका सुचना अधिकारी प्रहरी निरीक्षक सुर्यमान चौधरीका अनुसार शनिवार पौडी खेल्ने क्रममा साँझ ५ बजेतिर बेपत्ता भएका बालक प्रिन्सको शव बडिगाडखोलाको सोता भन्ने स्थानमा फेला परेको हो । त्यस वडाका वडाध्यक्ष लक्ष्मी भण्डारीले सुचित गरे पछि मजुवा प्रहरी चौकी ईन्चार्ज प्रहरी सहायक निरीक्षक कमल बञ्जाडेको नेतृत्वमा पुगेको प्रहरी र स्थानीयवासीले खोजतास गरी फेला पारेको प्रहरी निरीक्षक चौधरीले बताए । साथै आफु घटना स्थलमा जाँर्दै गरेको प्रहरी निरीक्षक चौधरीले बताए ।
त्यस्तै आरुपाटाका सन्दिपको शव ग्वादीकााचौर नजिकै बडिगाड खोलामा फेला परेको हो । उनी माछा मार्नका लागि जाल खेल्ने क्रमा डुबेर बेपत्ता भएका थिए । उनलाई खोजी गर्ने क्रममा जालको डोरी खुट्टामा बेरिएको अबस्थामा मृत फेला पारिएको थियो ।
उनी संगै माछा मार्न पुगेका छिमेकी १५ वर्षीय पवन कुमालले हारगुहार गरे पछि वडा सदस्य लोकबहादुर कार्कीले वामीटक्सार प्रहरी चौकीलाई सुचित गरेका थिए । सुचना लगत्तै प्रहरी बरिष्ठ नायव निरीक्षक लक्ष्मण बिश्वकर्माको नेतृत्वमा पुगेको प्रहरी टोली र स्थानीयले चिन्ताजनक अबस्थामा फेला पारेका थिए ।
प्रहरीले उनलाई वामीटक्सारको अस्पतालमा लगिएको थियो । त्यहाँँबाट लुम्बिनी मेडिकल कलेज पाल्पा प्रभास रिफर गरेकोमा सोही दिन साँझ ८ बजेर ३५ मिनेट जाँदा डाक्टरले मृत घोषणा गरेको प्रहरी निरीक्षक चौधरीले बताए । बडिगाड खोलमा माछा मार्ने र पौडी खेल्ने क्रममा हाल सम्म धेरैले ज्यान गुमाउँदै आएका छन ।
युनिकोड
मिति रूपान्तरण
प्रेम सुनार
प्रतिक्रिया