ग्लोबल आवाजAdvertisement
बुटवल । भाटभटेनी सुपर स्टोरले दशैं-तिहार र छठ लगायतका चाडपर्वलाई लक्षित गर्दै छुट योजना ल्याएको छ ।बुधबारदेखि भाटभटेनीले देशभरिकै स्टोरमा लागु हुने गरी छुट योजना सार्वजनिक गरेको हो । २६ वटा आउटलेट भएको भाटभटेनीले विभिन्न सामग्रीको खरिदमा १० देखि ४० प्रतिशतसम्म छुटको योजना ल्याएको हो ।
अहिलेको आर्थिक मन्दीमा उपभोक्तालाई चाडपर्वमा मनाउन भन्न्दे उद्देश्यले भाटभटेनीले न्युनतम नाफा राखेर सो छुटको अफर ल्याएको व्यवस्थापक बिनोद भट्टराईले बताए । भाटभटेनीले चाँडपर्वको अवसरमा सार्वजनिक गरेको छुट योजना अनुसार भैरहवा, नेपालगन्ज , धनगढी , बिराटनगर , इटहरी , बिरगंज , जनकपुरमा चिनी प्रतिकेजी ९५ रुपैयाँ तोकिएको व्यवस्थापक भट्टराईले बताए । यस्तै बुटवल, काठमाडौ, पोखरामा चिनी प्रतिकेजी ११४ रुपैयाँ बिक्री गरिने व्यवस्थापक विनोद भट्टराईले बताए । साथै बिर्तामोडमा चिनी ९९ रुपैयाँ बिक्रि गरिने बताए ।
त्यस्तै भाटभटेनीको सबै स्टोरबाट २ हजार ५ सय रुपैयाको खरिदमा एउटा कुपन प्राप्त गर्न सकिने र कार जित्ने अवसर समेत प्राप्त गर्न सकिने जनाइएको छ। यसैगरी, खाद्यान्न लगायत भाडाकुडामा बिशेष सहुलियतका साथै लत्ताकपडामा र जुत्तामा फ्ल्याट १०% छुटको ब्यबस्था रहेको भाटभटेनी स्टोरले जानकारी दिएको छ।
यसैगरी ब्राण्डेड समानको खरिदमा १५% फ्ल्याट छुटका साथै इलेक्ट्रोनिक समानमा होल डेलिभरी सहित ४०% सम्म छुटको ब्यबस्था रहेको भाटभटेनीले जनाएको छ। यसैगरी हिमालयन, एनआइसी एसिया, एनआइएमबी र प्रभु बैंकको कार्ड अथवा स्क्यानबाट ग्राहकले पैसा तिर्दा थप ५ प्रतिशत छुट पाउने भाटभटेनीले बताएको छ।
प्रतिकृया दिनुहोस्