गुल्मी । गुल्मीको चन्द्रकोट गाउँपालिकाका प्रमुख प्रशासकिय अधिकृत बिष्णु प्रसाद भुसालको सरुवा भएको छ । भुसालको निर्वाचन कार्यालय सिन्धुपाल्चोकमा सरुवा भएको हो ।

भुसाललाई मङ्गलबार चन्द्रकोट गाउँपालिकाले फेरि भेटौँला कार्यक्रमको आयोजना गरि बिदाई गरेको छ । बिदाई सम्मान ग्रहण गर्दै भुसालले भने, “म चन्द्रकोटमा आउँदा प्रशासनका नाममा प पनि थाहा थिएन , यहाँको एक बर्षे कार्यकाल मेरो लागि व्यवहारीक पाठशाला बन्यो । यहाँका अध्यक्ष , उपाध्यक्ष सहितका जनप्रतिनिधिहरुलाई मैले मेरो गुरुका रुपमा लिएको छु ।” पालिका उपाध्यक्ष बिष्णु प्रसाद भण्डारीले उनले त्यसो भन्नू महानता भएको बताउँदै उनले कुशल प्रशासकिय भुमिका निभाएको बताए ।

पालिका अध्यक्ष युवराज खत्री क्षेत्रीले स्थायी सरकारी कर्मचारी भएको र जनप्रतिनिधिहरुलाई सरकारको फेरेममा ल्याउने कार्यमा भुसालले महत्वपूर्ण भुमिका खेलेको भन्दै भुसाल सङ्ग बिदाई होइन फेरि भेटौँलाको कामना स्वरुप कार्यक्रमको आयोजना गरिएको बताए । भुसाललाई सम्मान पत्र सहित मायाको चिनो प्रदान गरि बिदाई गरिएको थियो । भुसाल अर्घाखाँचीको छत्रदेव गाउँपालिकाका बासिन्दा हुन् । दुई दिन पछि चन्द्रकोट गाउँपालिकामा प्रमुख प्रशासकिय अधिकृतको जिम्मेवारी सम्हाल्न छत्रदेव मै घर भएका सरोज भुसाल आउने पालिका अध्यक्ष खत्रीले जानकारी दिए ।

त्यस्तै कालिगण्डकी गाउँपालिकाका प्रमुख प्रशासकिय अधिकृत बाबुराम पल्लीको पनि स्याङ्गजाको जिल्ला सम्वन्य समितिमा सरुवा भएको छ । उनको ठाउँमा जिल्ला प्रशासन कार्यालय गुल्मीका प्रशासकिय अधिकृत नरेश गिरि आएका छ्न् । उनलाई सोमबार त्यस पालिका अध्यक्ष वेद बहादुर थापा र उपाध्यक्ष मन्जु कुमारी दर्लामि लगायतले स्वागत गरेका थिए ।