देव दर्शन अब भैरहवाबाट पनि

भैरहवा । भैरहवाबाट काठमाडौं सम्मको लागि देव दर्शन मेट्रो एसी बस सेवाले दैनिक बस सेवा सन्चालन गरेको छ । यस अघि कृष्णनगरबाट सेवा दिदै आएको पश्चिम नेपाल बस ब्यवसायी प्राली अन्तर्गतको देव दर्शनले आइतबारदेखि भैरहवाबाट पनि सेवा सुरु गरेको हो ।

बस प्रत्येक दिन बेलहियाबाट काठमाडौंको लागि साँझ ८ बजे छुटने यसका संचालक किशोर वाग्लेले जानकारी दिए । सोही समयमा काठमाणडौंबाट पनि बेलहियाको लागि बस छुट्ने छ । बेलहियाबाट काठमण्डौंको भाडा १ हजार २ सय ३० रुपैया तोकिएको अर्का सन्चालक लिला अधिकारीले बताए । २×२ फोल्डिङ्ग सीट रहेको बसमा सोही भाडामा यात्रुले आरामदायी एवम सुरक्षित यात्राको साथै निशुल्क वाइफाइ, पूर्ण वातानुकुलित सेवा, मोबाइल चार्ज लगायतको सुविधा रहेको अधिकारीले जानकारी दिए।

कार्यक्रममा बोल्दै सिद्धार्थनगर नगर पालिका प्रमुख इस्तियाक अहमद खानले बढी पर्यटक भित्र्याउने नाकाबाट बस सन्चालनले यस क्षेत्रको आर्थिक अवस्था थोरै भए पनि चलायमान गराउने बताए । उनले वर्तमान अवस्थामा बस सन्चालनले सकारात्मक सन्देश जाने प्रमुख खानले बताए । उनले भारतीय पर्यटक लक्षित गरि बस सन्चालनमा ल्याउन तथा भारतमै राम्रो सन्देश जाने गरि सेवा दिन सुझाव दिए ।
देव दर्शन मेट्रो बसका सन्चालक लिला अधिकारीको अध्यक्षता, सिद्धार्थनगर नगर पालिका प्रमुख इस्तियाक अहमद खानको प्रमुख आतिथ्यतामा सम्पन्न कार्यक्रममा सिद्धार्थ उध्योग बाणिज्य संघका पुर्व अध्यक्ष विष्णु शर्मा, पश्चिम नेपाल बस ब्यवसायी प्रालीका प्रतिनिधि सुरेन्द्र क्षेत्री, नेपाल भारत मैत्री संघका अध्यक्ष श्रीचन्द गुप्ताले बोल्दै बेलहियाबाट बस सन्चालन हुनु सुखद रहेको बताए ।

स्थलमार्ग हुँदै सबै भन्दा बढी पर्यटक भित्र्याउने बेलहिया नाकाबाट बस सुरु गर्दा यसमा यात्रुको कमि नहुने वक्ताहरुको भनाइ थियो । यसको लागि बसमा भएको सेवा गुणस्तरीय तथा कर्मचारीको ब्यवहारमा राम्रो गर्नु पर्ने सुझाव समेत वक्ताहरुको रहेको थियो । कार्यक्रमको सन्चालन देव दर्शनका सन्चालक दिपक काफ्लेले गरेका थिए ।