नेपाल चलचित्र संघको पश्चिमान्चल सभापतिमा जैसी

पुस २६,

Advertisement

बुटवल । नेपाल चलचित्र संघको पश्चिमाञ्चल सभापतिमा ओम जैसी निर्वाचित भएका छन् । उनी काशी सिनेप्लेक्स प्राली सिद्धार्थनगर रुपन्देही र मन काशी सिनेप्लेक्स प्रालि घोराही दाङका अध्यक्ष समेत हुन् । नेपाल चलचित्र संघको शुक्रबार काठमाडौमा सम्पन्न ४६ औँ साधरणसभाले जैसीलाई लाई पश्चिमाञ्चल सभापतिमानिर्वाचित गरेको हो । संघले मधुसुुदन प्रधानको नेतृत्वमा १६ सदसीय नेपाल चलचित्र संघको केन्द्रिय समिती गठन गर्दै पूर्वाञ्चल,पश्चिमाञ्चल,मध्यपश्चिमाञ्चल र काठमाडौ शाखा गठन गरेको हो ।

यस्तै नेपाल चलचित्र संघको अध्यक्षमा मधुसुदन प्रधान निर्वाचित भएका छन् भने सदस्यहरुमा अर्जुन श्रेष्ठ,अशोक शर्मा,कपिल प्रसाद द्वा,देवेन्द्र खडगी,कुवेर शर्मा,निरज कार्की,निरज गुप्ता,भाष्कर ढुंगाना,गोपाल काजी कायस्थ,त्रिरत्न मानान्धर,कैलाश ढकाल,विक्रम पराजुली,गोबिन्द शाही निर्वा्चित भएका छन् । त्यसैगरी पुर्वान्चल सभापतिमा चैतन्य बराल ,उपत्यका सभापतिमा मदन मान बज्राचार्यर मध्य सुदुरपश्चिमाञ्चल सभापतिमा डाक्टर सिं गुरुङ निर्वाचित भएको पश्चिमान्चल सभापति ओम जैसीले बताए ।

नवनिर्वाचित पश्चिमाञ्चल सभापति जैसीले पश्चिमाञ्चल क्षेत्र भित्रका सिनेमा हल संचालकहरुसँग हातेमालो गर्दै अघि बढ्ने भन्दै यो जित र जिम्मेवारी पश्चिमाञ्चलका सबैको भएको बताए। नेपाल चलचित्र संघले दिएको जिम्मेवारी पुरा गर्न आफुले सदैब प्रयास गर्ने बताए । साथै उनले चलचित्र संचालनमा योगदान दिंदै आएका साना ठुला सबै सिनेमा हलहरुको हक हितमा सदैब लागि पर्ने बताए ।

संघका अध्यक्ष प्रदिप कुमार उदयको अध्यक्षतामा विहिबार र शुक्रबार काठमाडौंमा भएको संघको साधारणसभामाको उद्घाटन सूचना,संचार तथा प्रविधिमन्त्रि गोकुल बास्कोटाले गरेका थिए । कार्यक्रममा प्रतिनिधि, बितरक, र हलवाला गरी २ सय प्रतिनिधीको सहभागिता थियो ।