रुपन्देहीमा शुक्रबारदेखि ३ दिने बायोपिक चलचित्र कार्यशाला

बुटवल । चन्द्र सूर्य सिनेमाको आयोजना तथा चलचित्र पत्रकार संघ रुपन्देहीको सहकार्यमा वास्तविक जीवनीमा आधारित सिनेमा निर्माणका लागि रुपन्देहीमा शुक्रबमरदेखि ३ दिने कार्यशाला हुँदै छ। सिद्धार्थनगर स्थित होटल एशियन बुद्धमा शुक्रबार दिउँसो समुद्घाटन हुने कार्यशालाको लागि आमन्त्रितहरुको आगमन हुने क्रम जारि रहेको कार्यशालाका संयोजक चलचित्र निर्माता, निर्देशक तथा लेखक बिमल पौडेलले बताए।

चैत्र १७, १८ र १९ गते लुम्बिनीमा हुने ३ दिने कार्यशालालाई भब्य रुपमा सफल पार्न सबै पालिका, पर्यटन ब्यबसायी, होटल ब्यबसायी, लुम्बिनी बिकाश कोष, चलचित्र पत्रकार संघ रुपन्देहीसंगको सहकार्यले अझै उत्साहित बनाएको उनले बताए। हरेक तवरले यहाँको चलचित्र क्षेत्र, पर्यताकीय क्षेत्र, समग्र लुम्बिनी प्रदेशको बिकास र आन्तरिक तथा बाह्य पर्यटकलाई भित्र्याउने र टिकाई राख्नका लागि यस्तो कार्यक्रमको खाँचो रहेको संयोजक पौडेलले बताए ।

कार्यशालाका लागि चलचित्र पत्रकार संघ रुपन्देहीले चन्द्र सुर्य सिनेमासँग सम्पूर्ण संयोजन गरेको छ। देशभरिका ८ शाखाका चलचित्र पत्रकार नेपालका वरिष्ठ कलाकार सहित स्थानीय पालिकाका प्रतिनिधि, कलेजका विद्यार्थी लगायत चलचित्र क्षेत्रसँग सम्बन्धित व्यक्तिहरुको उपस्थिति रहने चलचित्र पत्रकार संघ रुपन्देहीका अध्यक्ष मोहन न्यौपानेले बताए। कार्यशालामा चलचित्र निर्माण, जीबनीमा आधारित चलचित्रको ईतिहास र वर्तमान अवस्था, बुद्धको जीवनी संगत दर्शन, चलचित्र लेखन, सम्बाद, पटकथा, पत्रकारिता सम्बन्धी विशेष कक्षा नि:शुल्क रहने अध्यक्ष न्यौपानेले बताए।

कार्यशालाको शुक्रबार होटल एशियन बुद्धमा दिउसो १ बजे नेपाल सरकारका संचार, सूचना तथा प्रबिधि मन्त्री रेखा शर्माले उद्घाटन गर्ने कार्यक्रम रहेको छ। सो उद्घाटन कार्यक्रममा चलचित्र बिकास बोर्डका अध्यक्ष तथा सुपरस्टार अभिनेता भुवन केसी, अभिनेता सुनिल थापा, निर्देशक तथा लेखक राजेन्द्र सलभ, चलचित्र पत्रकार संघ नेपालका अधय्क्ष समिर बलामी, विभिन्न शाखाका प्रतिनिधी, पालिका प्रमुख तथा प्रतिनिधी र यसक्षेत्रका चलचित्रसँग सम्बन्धित व्यक्तिहरुको उपस्थिति रहने कार्यक्रमका अध्यक्ष किसान पोख्रेलले बताए।

कार्यशालाको उद्घाटनपछि २ दिनसम्म कार्यशाला लुम्बिनीमा चल्नेछ। कार्यशालाको सहयोगीमा नेपाल पर्यटन बोर्ड, चलचित्र बिकास बोर्ड, चलचित्र पत्रकार संघ रुपन्देही, लुम्बिनी बौद्ध विश्वविद्यालय, लुम्बिनी बिकास कोष लगायतका रहेका छन्।