काठमाडौं। तेस्रो तथा अन्तिम एकदिवसीयमा घरेलु टोलीकेन्याले नेपाललाई २ सय ५६ रनको कीर्तिमानी लक्ष्य दिएको छ। नैरोवीस्थित जिमखाना क्रिकेट मैदानमा टस जितेर पहिले ब्याटिङ गरेको केन्याले निर्धारित ५० ओभरमा ९ विकेट गुमाएर २ सय ५५ रन बनायो।
जारी एकदिवसीय सिरिजमा केन्याले नेपाललाई दिएको यो नै सबैभन्दा ठूलो लक्ष्य हो। पहिलो एकदिवसीय खेलमा केन्याले नेपालाई २ सय १९ रनको लक्ष्य दिएको थियो। उसका लागि कोलिन्स ओबुयाले शानदार ब्याटिङ गरे।
उनले १ सउ ११ बलमा ७ चौका र २ छक्काको मद्दतमा सर्वाधिक ८४ रनको योगदान दिए। यस्तै, लुकास ओलुओचले आक्रामक ब्याटिङ गर्दै नटआउट ५९ रन जोडे। २६ बलको सामना गरेका उनले ५ छक्का र ५ चौका हिर्काए।
सुकदीप सिंहले ३७ र इमानुएल बुन्डीले २३ रन बनाए। बाँकी ब्याटरले दोहोरो अंकमा समेत रन बनाउन सकेनन्। नेपालका लागि सोमपाल कामीले उत्कृष्ट बलिङ गरे। उनले १० ओभरमा १ मेडनसहित ३६ रन दिँदै २ विकेट लिए। यस्तै, आदिल आलमले २, बसिर अहमद र शाहब आलमले १–१ विकेट लिए। २ विकेट रनआउटको रूपमा प्राप्त भयो।
नेपाल आज एकदिवसीय सिरिज क्लिन स्विप गर्ने योजनामा छ । तीन खेलको सिरिजमा नेपाल २-० ले अघि रहेको छ। यसअघि नै सिरिज जितिसकेको नेपाल तेस्रो खेलमा जित निकाल्दै एकदिवसीय सिरिज ३-० ले आफ्नो बनाउन चाहन्छ।
पहिलो एकदिवसीयमा नेपालले केन्यालाई ७ विकेटले पराजित गरेको थियो । यस्तै दोस्रो एकदिवसीयमा १७ रनले विजयी भएको थियो । केन्या पनि नेपाललाई हराएर एकदिवसीय सिरिजमा सान्त्वना जित हात पार्न चाहन्छ ।
नेपालले यस अघि केन्याविरुद्धको पाँच खेलको टी-ट्वान्टी अन्तराष्ट्रिय सिरिज ३-२ ले जितेको थियो । नेपालले प्लेइङ–११ मा दुई खेलाडी परिवर्तन गरेको छ। नेपालले आज करण केसी र पवन सरार्फलाई विश्राम दिँदै असिफ शेख र किशोर महतोलाई खेलाइएको छ।
नेपालको प्लेइङ–११ :
आसिफ शेख, अर्जुन साउँद (विकेटकिपर), देव खनाल, ज्ञानेन्द्र मल्ल, रोहितकुमार पौडेल (कप्तान), दीपेन्द्रसिंह ऐरी, मोहम्मद आदिल आलम, सोमपाल कामी, शाहब आलम, किशोर महतो र बसिर अहमद।
युनिकोड
मिति रूपान्तरण
ग्लोबल आवाज
प्रतिक्रिया