तस्वीरमा तराइको होली

शुक्रबार, ०४ चैत्र २०७८

30 Shares

बुटवल । शुक्रबार तराइको होली पर्व विशेष रुपमा मनाइएको छ । सद्भावको पर्वका रुपमा एक आपसमा रङ लगाएर मनाइने पर्व होली विगत २ वर्षदेखि कोभिडका कारण प्रभावित बनेको थियो । तर, यस वर्ष भने तराइमा हर्षोल्लासका साथ मनाइएको छ । रुपन्देहीका मुख्य शहर बुटवल,भैरहवा,तिलोत्तमा,देवदहमा विभिन्न कार्यक्रमको समेत आयोजना गरी होली पर्व मनाइएको छ । विभिन्न संघसंस्थाको आयोजनामा होली मिलन तथा शुभकामना आदान–प्रदान कार्यक्रमसहित होली मनाइएको छ ।

यसै क्रममा पत्रकार महासंघ रुपन्देही,बुटवल र लुम्बिनी प्रेस क्लब,भैरहवाले विशेष कार्यक्रमको आयोजना गरी यस वर्ष उत्साहका साथ होली मनाए । सधैं जनताका आवाजको प्रतिनिधित्व गर्ने पत्रकारहरु होलीका दिन एकै ठाउँमा जम्मा भई होली मनाउने उद्देश्यका साथ आयोजना गरिएको कार्यक्रम उत्साहजनक रुपमा सम्पन्न भएको पत्रकार महासंघ रुपन्देहीका अध्यक्ष रामराज पोखरेलले बताए ।