काठमाडौं । “नेपालको शान, संगीतको पहिचान” भन्ने नाराका साथ सोमबार काठमाडौँको चन्द्रागिरी हिल्स रिसोर्टमा नेपाल बेस्ट म्युजिक अवार्ड- २०२१ सम्पन्न भएको छ । अवार्डको पहिलो संस्करणमा फिल्म तथा गीतसंगीत क्षेत्रका कलाकर्मीको बाक्लो उपस्थिति थियो । श्री तुलसी मिडियाले अवार्ड आयोजना गरेको हो ।
चलचित्र निर्देशक समाजका महासचिव तथा निर्देशक जनकदीप पराजुली, संगीतकार राहुल प्रधान र गायक सुमन शेखर मानन्धर निर्णायक रहेको अवार्डमा गीतसंगीत क्षेत्रको विभिन्न ३५ विधामा अवार्ड, जुरी अवार्ड र पत्रकारिता पुरस्कारसमेत प्रदान गरिएको थियो।
'तिमी रिसाउदा' गीतबाट गायक राहुल रक्सले सर्बोकृष्ट गायक (पप) को अवार्ड हात परेका छन् । गायक राहुल रक्सका केही गीतहरु रिलिज भैसकेका छन भने केही गीतहरु रिलिजको तयारीमा रहेका छन् ।
युनिकोड
मिति रूपान्तरण
ग्लोबल आवाज
प्रतिक्रिया