रौतहट । रौतहटको मौलापुर नगरपालिकाको नगर सभामा दुई पक्षबीच झडप भएको छ। मौलापुर नगरपालिकाको बिहीबारको नगरसभालाई बिथोल्न एक समूह गएपछि नगर सभामा बजेट पेश गर्ने पक्ष र विपक्षीबीच झडप भएको हो । अहिले पनि दुई पक्षबीच ढुंगा हानाहान भइरहेको जिल्ला प्रहरी कार्यालय रौतहटले जनाएको छ।
प्रहरीले झडप रोक्न १० सेल टियर ग्यास प्रहार गरेको छ । तर, झडप अझै नरोकिएको प्रहरीले जनाएको छ। झडपमा परेर तीन जना प्रहरी जवान घाइते भएका छन्। घाइते प्रहरीको टाउको र हातमा चोट लागेको छ। उनीहरुलाई उपचारका लागि स्वास्थ्य संस्था लगिएको छ ।
नगर सभामा नेकपा (एमाले)का नेता प्रभु साह प्रमुख अतिथिका रुपमा सहभागी थिए। मौलापुर नगरपालिकामा साहकी पत्नी रिनाकुमारी साह नगर प्रमुख छन्।
युनिकोड
मिति रूपान्तरण
ग्लोबल आवाज
प्रतिक्रिया