१६ माघ २०७९, सोमबार

Jan 30, 2023


पृथ्वीमा जुनसुकै महामारी होस् या संकट मानवजातीलाई त्यसले प्रतक्ष्य असर गर्दछ । मानवीय जीवनमा धेरै उतार–चढावहरु आउँदछन् । ती उतार–चढावमा एक मानवले अर्को मानवलाई सहयोग र साथ दिनु नै मानवीय कर्तव्य र धर्म हो । तर, महामारी यस्तो अवस्था हो जहाँ अधिकांश मानवलाई संकट पर्दछ विडम्बना सहयोगको कमी हुन्छ । सबैलाई आफ्नो प्राण प्यारो र महत्वपूर्ण हुन्छ । त्यस संकटमा आफ्नो प्राण र ज्यानको भन्दा पनि अरुको प्राण र ज्यान रक्षाका लागि अगाडि बढ्ने, जोखिम मोल्ने सहयोग गर्नेहरु भने केही मात्रै हुन्छन् । कुनै पेशा , कर्म आफ्ना लागि भन्दा पनि अरुको सेवामा समर्पित हुन्छन् ।

Advertisement

त्यस्तै सेवामा समर्पित हुन् डाक्टर,नर्स,प्रहरी,सेना लगाएतका सुरक्षाकर्मी र सञ्चारकर्मी । त्यो त धेरै सेवामूलक पेशा र क्षेत्रहरु छन् । तर,विशेषगरी अत्यावश्वक सेवा अन्तर्गत पर्ने स्वास्थ्य , सुरक्षा र सूचनाका क्षेत्रमा काम गर्ने यी पेशाकर्मीहरु अग्रपंत्तिमा पर्दछन् । समाज र राज्यका हरेक संकटमा अगाडि देखिने यी पेशाकर्मीहरु विगत एक वर्षदेखि विश्व महामारी मानिएको कोरोना भाइरस,कोभिड–१९ विरुद्धको अभियानमा पनि अग्रपंक्तिमा रहेर लडिरहेका छन् । सन् २०१९ को अन्त्यतर्फ चीनबाट विश्वव्यापी हुँदै नेपालपनि भित्रिएको निकै खतरनाक भाइरस कोभिड–१९को सुरुवातमा अत्यन्तै भए थियो । अझै विशेषगरी यसबाट बच्न दूरी कायम गर्नुपर्ने अवस्थामा नजिक भएर सेवा प्रदान गर्नुपर्ने अग्रपंक्तिमा सेवकको लागि निकै जोखिम र चूनौतीपूर्ण अवस्था थियो ।

संक्रमणबाट बच्न र संक्रमितबाट बच्न कम्तीमा दुई मिटर दूरी कायम गर्नुपर्ने अवस्थामा तीनै संक्रमितसँग नजिक भएर उपचार गर्ने डाक्टर र नर्स लगाएतका स्वास्थ्यकर्मीहरुको कर्म र भूमिका मानवीय सेवा मात्रै होइन । जोखिम हो,उनीहरुको बलिदानी त्याग हो । गत वर्ष यही समयमा कोरोनाको संक्रमण सुरु भएको थियो । देशमै केहीमा संक्रमण हुँदा निकै डर,त्रास,फैलियो केही अफवाह फैलिए । त्यो अफवाह,डरको भयावह स्थितिमा पनि बिरामीको उपचार र सेवामा लागेका स्वास्थ्यकर्मीहरु अझैपनि निरन्तर लागेका छन् । अहिले झन् संक्रमित र मृत्युदर बढ्दो छ । उपचार मात्रै होइन , बेड र अक्सिजन नपाएर कैंयौं बिरामी तथा संक्रमितको ज्यान गएको छ । यस्तो अवस्थामा पनि आफ्नो पेशा र जिम्मेवारीमा तल्लिन भएर खटिरहने ती स्वास्थ्यकर्मीप्रति विभिन्न दु्रव्यवहार भए जुन निकै अमानवीय हुन् ।

स्वास्थ्यकर्मी र स्वास्थ्य संस्थामा काम गर्ने भएकै कारण गत वर्ष कैंयौं स्वास्थ्यकर्मी समाजमा अपहेलित भए। भाडमा बसेकाहरुलाई निकालियो । टोल छिमेकमा पनि कोरोना संक्रमण हुने भन्दै उनीहरुलाई उपेक्षा गरियो । उनीहरुलाई उपचार गरी निको बनाउने भन्दा पनि कोरोना सार्ने माध्यमका रुपमा गलत परिभाषित गरियो । कति घरबाटै , आफ्नैबाट त कति समाजबाटै प्रताडित भए । यद्यपी उनीहरु आफ्नो पेशा,कर्म र लगावसँगै जिम्मेवारीबाट पछि हटेनन् । यस दौरान कैंयौं संक्रमित भए, केहीले ज्यानपनि गुमाए । केही लामो समयसम्म परिवारबाट टाढा भए । बिरामीको सेवा गर्नु उनीहरुको पेशा,काम र जिम्मेवारी हो । तर,यति नै भनेर उनीहरुको सेवा र योग्दानलाई सामान्य रुपमा लिनु भने सेवाप्रतिको अबमूल्यन हुन जान्छ ।

त्यस्तै शान्ति र सुरक्षाका लागि अहोरात्र खट्ने नेपाल,प्रहरी,सेना लगाएतको भूमिका पनि प्रशंसनिय छ । कोरोना रोकथाम र नियन्त्रणका लागि गरेको उनीहरुको प्रयास र सफलता उदाहरणीय छ । संक्रमणसँगै संकटमा शान्तिसँगै संक्रमण नहुन सुरक्षा दिन र संक्रमित भई मृत्यु भएकाको शव व्यवस्थापनमा खटिने उनीहरु पनि अग्रपंत्तिका सेवका मानिन्छन् । सरकारले गत वर्षको चैत ११ गतेदेखि लकडाउन लागू गरेदेखि त्यसलाई कार्यान्वयन गर्न सुरक्षाकर्मीको भूमिका र योग्दान महत्वपूर्ण छ । त्यस्तै संक्रमितका लागि क्वारेन्टाइन,आइसोलेन निर्माण र मृत्यु भएकाको शव व्यवस्थापन गर्न उनीहरु निरन्तर लागे जुन अहिलेपनि चलेको छ । हाल झनै संक्रमण बढेको र निषेद्याज्ञा जारी रहेको अवस्थामा सुरक्षाकर्मीको काम,दायित्व र जिम्मेवारी बढेको छ । आफूलाई पनि संक्रमण हुनसक्ने,संक्रमित भई ज्यान जान सक्ने अवस्थामा पनि नागरिकको स्वास्थ्य र जीवनका लागि अगाडि सरेर ड्यूटीसँगै दायित्व निर्वाह गर्ने सुरक्षाकर्मीहरुको भूमिकालाई नजर अन्दाज गर्नुहुँदैन ।

प्राकृतिक विपद् होस्,महामारी वा संकटमा अग्रपंत्तिमा रहने सञ्चारकर्मी पनि हुन् । जनतालाई सूचित,सचेत र जानकार गराउने पेशाकर्मी,सञ्चारकर्मीहरु पनि कोभिड महामारीमा अंग्रपक्ति रहेर खटेका छन् । संक्रमण सम्बन्धी सचेत गराउने, सरकारकार गतिविधि र सन्देशलाई जनता समक्ष पुयार्उने मात्रै नभई क्वारेन्टाइन,आइसोलेशन,अस्पतालमै पुगेर त्यहाँका अवस्था बारे रिपोर्टिङ गर्ने कार्यमा लागेका कैयौं सञ्चारकर्मी संक्रमित भएका छन् ।कतिले ज्यान गुमाएका छन् । कति अझै जुधिरहेका छन् । तर,पनि देशभरका सयौं,हजारौं पत्रकार कोभिड विरुद्धको अभियानमा लागि रहेका छन् । यस दौरान कतिले रोजगार गुमाएका छन् । कतिले महिनौंको पारिश्रमिक पाएका छैनन् । तर,पनि संक्रमण,संकटमा नागरिकलाई सूचित गर्न , सरकार लगाएत सरोकारवालालाई खबरदारी गर्न सञ्चारकर्मी निरन्तर लागि रहेका छन् ।

यसरी संक्रमणमा पनि आफ्नो र परिवारको ज्यानको वेवास्ता गर्दै आफ्नो दायित्व निर्वाह गर्ने स्वास्थ्य,सुरक्षाकर्मी र सञ्चारकर्मीहरुहरुलाई उनीहरुको कर्मको आधारमा प्रोत्साहन गर्नु पर्दछ । केही स्वास्थ्यकर्मी,सुरक्षाकर्मी सञ्चारकर्मीबाट भएका कमीकमजोरी र गल्तीहरुलाई लिई पेशागत समग्रप्रति आरोपर आक्रोश व्यक्त गर्नु पेशा र नागरिकप्रतिको नै अपमान हो । यी सदैव अग्रपक्तिमा रहेर काम गर्ने पेशाकर्मी बाहेक पनि संक्रमणमा दुग्ध,तरकारी,खाद्यान्न जस्ता अत्यावश्यक सामग्री उपलब्ध गराउने किसान,व्यवसायी,संघसंस्थाका प्रतिनिधि ,समाजसेवी लगाएत धेरे जना अग्रपक्तिमा काम गरिरहेका छन् । त्यस्ता पेशाकर्मी,स्वयम्सेवीहरुलाई नागरिकले मात्रै होइन राज्यले पनि सम्मान र प्रोत्साहन गर्नुपर्दछ । ताकि किसानले उत्पादनको मूल्य नपाएको,तरकारी फ्याँकेको,स्वास्थ्यकर्मीले जोखिम भत्ता नपाएको,सुरक्षाकर्मीको तलब काटिएको र सञ्चारकर्मी जागिरविहिन भएको र पारिश्रमिक नपाएको जस्ता दुःखद खबर सुन्न नपरोस् ।

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु