१० मंसिर २०७९, शनिबार

Nov 26, 2022

सञ्चार माध्यम र सामाजिक सञ्जालमा मात्रै होइन, टोल, छिमेकमै कोरोना संक्रमण र यसको कहरले आतंक मच्चाएको छ । गत वर्षपनि यसै समयमा नेपालमा कोरोना संक्रमण र त्रासको सुरुवात भएको थियो । तर, गत वर्षको अवस्था र यस वर्षको अवस्थामा भने धेरै फरक छ । गत वर्ष विश्वव्यापी रुपमा फैलँदै नेपाल प्रवेशको सुरुवात थियो । सरकारले चैत ११ गतेदेखि लकडाउन गरेका कारण करिब नेपालमा कोरोना नियन्त्रणमा थियो । यस वर्ष भने हाल नेपालमा हजारौं कोरोना संक्रमित छन् । हालसम्म तीन लाख बढी संक्रमित भएका छन्। ती मध्ये २ लाख ७७ हजार बढी निको भएका छन् । तीन हजार बढीको मृत्यु भएको छ। पछिल्लो समयमा भने संक्रमण दर बढ्दो छ । यससँगै मृत्युदर पनि बढ्दै छ ।

Advertisement

सन् २०१९ को अन्तिमबाट सुरु भएको कोरोना भाइरस,कोभिड–१९ सन् २०२० मा विश्वव्यापी हुँदै सन् २०२१ को सुरुवातमा करिब नियन्त्रणमा आएको थियो । यस दौरान विभिन्न भ्याक्सिनहरु पनि बने र ती भ्याक्सिन प्रयोग पनि भए । तर,पछिल्लो महिनादेखि नयाँ भेरियण्टको कोरोना संक्रमण तिव्र रुपमा फैलिएको छ । विशेषगरी छिमेकी राष्ट्र भारतमा यसले भयावह रुप लिँदै तिव्र गतिमा संक्रमण बढ्दो छ । करोडौं जनसंख्या भएको छिमेकी राष्ट्र भारतमा संक्रमण बढ्दा त्यसको प्रतक्ष्य असर नेपालमा पनि परेको छ । र, नेपाल पनि उच्च जोखिममा छ । भारतमा हाल दैनिक साढे तीन लाख भन्दा बढी संक्रमित थपिने गरेका छन् । नेपालमा पनि संक्रमण संख्या बढ्दो छ ।

केही दिन अगाडिसम्म मभारतका अस्पतालमा बेड, भेन्टिलेटर, अक्सिजनको अभाव भएको खबर आउन थालेका थिए र तर, अहिले नेपालको केन्द्रीय राजधानी लगाएत् प्रदिेशका विभिन्न शहरका ठूला अस्पतालमा पनि संक्रमितलाई बेड,आइशोलेसन लगाएतका स्वास्थ्य सेवाको अभाव देखिसकेको छ । विशेषगरी लुम्बिनी प्रदेशको बाँकेमा कोरोना संक्रमित र मृत्यु हुनेको संख्या बढी छ । त्यहाँ संक्रमितलाई बेड र उपचारको अभाव खड्किसकेको छ । त्यस्तै लुम्बिनी प्रदेशको प्रदेश मुकाम बुटवलका अस्पतालमा पनि त्यस्तै छ । बुटवल स्थित कोरोना अस्पतालमा बेडको अभाव भइसकेको छ । कतिपय संक्रमितलाई अस्पताल बाहिर राखेर उपचार गरिँदै छ भने कतिपयलाई काठमाण्डौं पठाइएको छ । उता केन्द्रीय राजधानी काठमाण्डौंमा पनि कोरोना संक्रमितका लागि बेड र उपचारको अभाव देखिँदै छ ।

अहिले नेपालमा दैनिक ३ हजार बढी कोरोना संक्रमित थपिँदै आएका छन् । पिसिआर परीक्षण गरिएका अधिकांशमा अहिले पोजेटिभ देखिन थालेको छ । कोरोनाको नयाँ भेरियण्ट र दोस्रो लहर सुरु भएसँगै नेपालमा पनि जोखिम बढेकोमा सरकारले विभिन्न निर्णय तथा निर्देशन दिँदै आएको छ । विद्यलाय,सिनेमा हल,पार्टी प्यालेस,लगाएतका क्षेत्रहरु बन्द गर्दै २५ जना भन्दा बढी सहभागी भएर कुनैपनि कार्यक्रम, सभा, समारोह नगर्न निर्देशन गरिसकेको छ । देशका विभिन्न १४ जिल्लाका शहरी क्षेत्रका विद्यालय पूर्ण बन्द गर्ने, अत्यधिक भिड हुने क्षेत्र र स्थानमा प्रतिबन्ध गर्ने लगाएतका निर्णय तथा निर्देशन भइसकेका छन् ।

यस्तै प्रदेश सरकार, जिल्ला प्रशासन,स्थानीय तहहरु पन बैठक र छलफलमा व्यस्त छन् । लुम्बिनी प्रदेश सरकारले कोरोना अस्पतालका लागि बजेट थप गरेको छ । तर, जसरी कोरोना संक्रमण फैलिएको छ त्यस अनुसार पूर्व तयारी भने भएका छैनन् । कोरोना महामारीको वर्तमान अवस्था र भैपरी आउने सम्भावित खतरालाई आंकलन गरी कुनैपनि किसिमका तयारी भएका छैनन् । यय अगाडि पहिलो लहरमा कोरोना रोकथामा र नियन्त्रणमा सक्रिय र उल्लेख्य भूमिका निर्वाह गरेका स्थानीय तह यतिबेला भने छलफलमै व्यस्त छन् । उता प्रदेश र केन्द्रीय सरकारको ध्यान जनतामा भन्दा सत्तामा नै बढी छ ।

राजनीतिक अस्थिरता र उतारचढावका कारण प्रदेश र केन्द्रीय सरकार स्वयम् प्रभावित छन् । सो को प्रतक्ष्य प्रभाव जनमुखी योजना, निर्णय र कार्यान्वयनमा परेको छ । सरकारले पूर्वतयारी अनुसार सिमा नाकामा कडाई र उच्च सतर्कता अपनाउन पथ्र्यो । त्यसैगरी आइशोलेसन,बेड र कोभिड अस्पतालको संख्या बढाउन पथ्र्यो । तर, ती तयारी भएनन् । यता नागरिक पनि स्वयम् जिम्मेवार र सतर्क हुन आवश्यक छ । तर, नागरिकहरुले पनि लापरवाही गरेका छन् । मास्कको प्रयोग नगर्ने, भिडभाडमा जाने , भौतिक दूरी कायम नगर्ने जस्ता सर्वसाधारणका क्रियाकलापले पनि कोरोना संक्रमण बढ्दो छ । हरेक नागरिक आफू सचेत र सतर्क भई स्वास्थ्यका मापदण्ड पालना गरी अरुलाई पनि गराउनु पर्दछ ।

प्रतिकृया दिनुहोस्

Flash News

प्रतिनिधिसभामा कर्णाली प्रदेशमा एमाले शून्य, मुख्यमन्त्री बारे चर्चा शुरू पराजित उम्मेदवारको घरमा ढुंगामुढा र कुटपिट, दोषीमाथि कारवाहीको माग गर्दै सडक अवरुद्ध  रुपन्देही-३ मा गृहमन्त्री खाँणलाई पराजित गर्दै राप्रपाका बोहोरा विजयी माओवादी लुम्बिनी प्रदेश अध्यक्ष बरालले दिए राजीनामा कान्ति माध्यमिक विद्यालयमा स्वागत कार्यक्रम तिलोत्तमामा मंसिर १५ देखि औद्योगिक व्यापार मेला, २५ करोड बढी आर्थिक कारोबरको लक्ष्य रवि लामिछानेको चुनावी खर्च ११ लाख ८१ हजार गण्डकीमा सांसदः १५ जना ५० वर्ष मुनिका, ८ जनाले ६० नाघे पाका चिन्तामणी बाको जीत द्वन्द्वकालको पीडामा न्याय भानुभक्त ढकाललाई हराए सुनिल शर्माले, रेखा थापा तेस्रो पाँच वर्ष अघि ३६ सिट जितेको माओवादी १८ सिटमा सीमित, सुदूरपश्चिममा निल कांग्रेस नेता अजुर्ननरसिंह केसी नुवाकोटबाट निर्वाचित आवासीय भवनमा आगलागी, १० जनाको मृत्यु रुपन्देही-३ मा ८४ हजार ७४ मत गणना, दिपक बोहोराको अग्रता कायमै तराईमा हुस्सु लाग्न थाल्यो, सावधानी अपनाउन अनुरोध एमाले उपाध्यक्ष विष्णु पौडेल रुपन्देही-२ बाट निर्वाचित रुपन्देही-२ मा विष्णु पौडेलको अग्रता कायमै, ३ हजार ९१६ मत गन्न बाँकी जन्ती बोकेको जिप दुर्घटना आवश्यक परे गठबन्धन गर्ने रवि लामिछानेको भनाइ रुपन्देही-२ मा विहानदेखि अवरुद्ध मतगणना सुरू