दाङ । सञ्चार तथा सूचना प्रविधिमन्त्री रेखा शर्माले अहिलेको सरकारले सेवाप्रवाह र शुसासनलाई प्राथामिकता राखेर काम गरिरहेको बताइन् । शनिबार नेकपा माओवादी केन्द्र तुलसीपुर १६ को आयोजनामा दशैँ, तिहार तथा छठ पर्वका अवसरमा आयोजित शुभकामना आदान प्रदान कार्यक्रममा बोल्दै मन्त्री शर्माले यो बताइन् ।

अहिलेको सरकार गठन हुँदादेखि नै २ र ३ वटा कुराहरूलाई प्राथामिकता राखेर काम गरिरहेको उनले दाबी गरिन् । उनका अनुसार सरकार गठन हुँदा सरकारले सेवा प्रवाह र सुशासनको कुरालाई एउटा मुख्य उद्देश्य र लक्ष्य लिएको थियो । देशमा ठूला व्यक्तिहरूले जे गरेपनि हुन्छ, भन्ने एउटा संस्कृति रहेको भन्दै उनले अहिलेको सरकार आएपछि विभिन्न घटनाक्रमहरू जुन ढंगले अगाडि बढेका छन्, सुशासनको क्षेत्रमा जसरी बढेको छ । देशमा जतिसुकै ठुलो मान्छे भएपनि कानुन भन्दा तलको हो रु भन्नु कुराको स्थापित भएको समेत उनको भनाइ छ ।

उनले भनिन्,‘ म पदमा पुगेपछि मैले गर्ने, नगर्ने जे गरेपनि हुन्छ, भन्ने एउटा संस्कृति थियो । ठूला मान्छेलाई कानुन नलाग्ने र जनतालाई मात्र कानुन लाग्ने भन्ने अवस्था थियो । जनताहरू निराशा भएका थिए । गणतन्त्रप्रति पश्न उठेको थियो । अहिले कयौँ ठूला मानिएका मान्छेहरू, जेल जानु भएको छ ।

कतिपय माथि अनुसन्धान भइरहेको छ । सरकारको यो कामले गर्दा जनतालाई आशावादी बनाएको छ ।’ यो घटना क्रमले गर्दा पदमा जाने मान्छेहरूमा डर कायम भएको समेत उनले बताइन् । पदमा हुँदा कुनै पनि नराम्रो काम गरेपछि हिजोका राजनीतिज्ञहरू जेलमा गइरहेको अवस्थालाई हेर्नु पर्ने अवस्था रहेको भन्दै उनले गल्ति गरेपछि कुनै न कुनै दिन त्यसको फल भोग्नु पर्छ, भन्ने कुरा स्थापित भएको हुँदा यो नै गणतन्त्रको पक्षमा ठुलो उपलब्धि भएको बताइन् ।

यस्तै अहिलेको सरकारले गणतन्त्र भनेको सजायको फल भोग्ने ब्यवस्था भएको कुराको स्थापित गरेको हुँदा यो पनि ठुलो उपलब्धी भएको उनको भनाई छ । यस्तै उनले घोराही – तुलसीपुर सडक चारलेन बन्ने समेत बताइन् । उनले भनिन्,‘ हिजो घोराही – तुलसीपुरको सडक कतै दुई लेन र कतै चार लेनको डीपीआर भएको थियो । त्यो पनि काम अगाडि बढ्न सकेको थिएन । अहिले आएर सर्वे सकिएको छ ।

सबै तिर चारलेन बनाउने भन्ने कुरा भएको छ । कतै बस्तीहरू उठ्ने तथा भौगोलिक रुपमा समस्या भएमा मात्र फरक कुरा हो । सबैतिर चार लेन हुन्छ । त्यो पनि ब्रिज सहितको चारलेन सडक चाहिन्छ, भनेर कुरा गरेपछि अहिले सर्वे भएर गएको छ । अब तिहारपछि टेन्डर हुने अवस्थामा छ ।’ यो सडक फेरि पनि एक्जिम बैंकले नै बनाउने कुरा भएको भन्दै उनले यसका निम्ति निरन्तर मेहनत समेत बताइन् ।

उनले सडक निर्माणको निम्ति सबै राजनीतिक दल, यहाँका जनता तथा यो बाटोमा हिड्नेहरूको चासोको विषय बनेको समेत बताइन् । पहिलाको सम्झौता तोड्न निकै संघर्ष गर्नु परेको पनि उनले बताइन् । उनले भनिन्,‘ यो सडक सबैको साझा मुद्दा नै थियो । यो सडकका निम्ति हामी असाध्यै मरिमेटी लागेका थियौँ ।

चुनाव पछि करिब ४ करोडमा मर्मतको लागि ठेक्का भएको थियो । एक्जिम बैंकसँग भएको ठेक्का तोडियो । त्यो ठेक्का तोड्नलाई पनि धेरै मेहनत गर्नु प¥र्यो । ’ उनका अनुसार भारतीय राजदूतावासका राजदूत, , प्रधानमन्त्री, भौतिक पूर्वाधार मन्त्री, अर्थमन्त्री सबै तिर मेहनत गरेर मात्र यति छिट्टो ठेक्का तोडिएको हो । निर्वाचन लगत्तै आफूहरू बसेर छलफल गरेको भन्दै उनले पुरानो ठेक्का तोड्दा मुद्दामा नजाने वातावरण मिलाएको हुँदा अहिले सडक मर्मतका काम भइरहेको बताइन् ।

एक्जिम बैंकका सँग भएका अन्य योजनाका ठेक्काहरू तोड्दा अदालतमा मुद्दाले समस्या भएको भन्दै चारलेन सडकको ठेक्का तोड्दा कुनै समस्या नभएको उल्लेख गरिन् । यस्तै घोराहीमा रहेको राप्ती स्वास्थ्य विज्ञान प्रतिष्ठानमा भवन निर्माणको अहिलेको बजेटमा ३० करोड बजेट विनियोजन भएको समेत बताइन् ।

त्यो पनि ठेक्काको प्रक्रियामा जाने तयारी भएको बताइन् । यस्तै उनले यस पटक बजेट अभावका कारण नयाँ योजनाहरूमा बजेट हाल्न समस्या भएको समेत बताइन् । कार्यक्रममा वडामा समाजिक क्षेत्र, राजनीतिक क्षेत्र, कृषि, शिक्षा, खेल, ज्येष्ठ नागरिक लगायतमा योगदान पु¥याएका एक दर्जन बढि ब्यक्तिहरूलाई सम्मान गरिएको थियो ।