२३ श्रावण २०७९, सोमबार

Aug 8, 2022

बुटवल । गृहमन्त्री भएपछि पहिलोपटक गृहजिल्ला रुपन्देही आउँदा १५ किलोको मालाले आलोचित बनेका गृहमन्त्री बालकृष्ण खाँण यस पटक पनि आलोचित बनेका छन् । कार्यवाहक प्रधानमन्त्रीको जिम्मेवारी सम्हालेपछि आइतबार जिल्ला भ्रमणमा आएका खाँणले राष्ट्रिय झण्डा बिना निवासमै सलामी लिएर आलोचित बनेका हुन् ।

भ्रमणको क्रममा तिलोत्तमा नगरपालिका स्थित आफ्नै निवासमा सलामी लिएका थिए । खाँणलाई हवल्दारको नेतृत्वमा रहेको नेपाल प्रहरीका जवानले सलामी दिएको जिल्ला प्रहरी कार्यालय रुपन्देहीका प्रवक्ता प्रहरी नायव उपरीक्षक सत्यनारायण थापाले जानकारी दिए । राष्ट्रिय झण्डालाई साक्षी राखेर सम्मानित व्यक्तिलाई सलामी दिने प्रचलन भए पनि त्यसलाई समेत बेवास्ता गर्दै झण्डा बिनानै खाँणलाई पिर्कामाथि राखेर सलामी दिनुले प्रहरी प्रशासनकै नैतिकतामा समेत प्रश्न उठेको छ । आइतबार दिउँसो पार्टी कार्यकर्ता तथा पारिवारिक भेटघाटका लागि तिलोत्तमा स्थित आफ्नो निवासमा आएका बेला नेपाल प्रहरीले उनलाई सलामी दिएको थियो ।

कुनै औपचारिक कार्यक्रम तथा सभा समारोह त थिएन नै राष्ट्रिय झण्डामुनि उभिएर सलामी दिने प्रचलनको समेत पालना गरिएको थिएन । कानूनविद तेजप्रसाद कंडेलका अनुसार यसरी सलामी दिने विषयलाई नेपालको कानूनले गलत वा सहि भनेर कुनै व्यख्या नगरेको भए पनि नैतिक प्रश्न भने उठ्न सक्छ । राज्यको सम्मानित अङ्गमा रहेका व्यक्तिलाई राष्ट्रिय सम्मान स्वरुप सलामी दिने प्रचलन भए पनि कुन सन्दर्भ र कुन समयमा सलामी लिनु उपयुक्त हुन्छ भन्ने नैतिक प्रश्नको विषय भएको उल्लेख गरे ।

भिडियो : सामाजिक सञ्जालबाट

Advertisement

प्रतिकृया दिनुहोस्

Flash News

भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए ! पुरानो सुनलाई टल्काउछौँ भन्दै ठगी गर्ने दुई भारतीय नागरिक पक्राउ सिट बाँडफाँटबारे छलफल गर्न सत्ता गठबन्धनको कार्यदलको बैठक बस्दै कर्णालीका चार ठाउँमा नयाँ सहर, पूर्वाधारको काम छैन सन्तोषजनक