वैशाख १८,
मुगु । मुगुको गमगढी हुँदै पैदल मार्गबाट खच्चडमा आउने सिमेन्ट सस्तो पर्न थालेको छ । सडक यातायात नजोडिएको जिल्लामा हवाई मार्गबाट महंगो ढुवानी तिर्नु भन्दा खच्चडमा ढुवानी गर्दा सस्तो पर्ने भएपछि सिमेन्ट पैदल मार्गबाट आउन थालेको हो । एक हप्ता अगाडी चालीस बोरा सिमेन्ट खच्चडमा ढुवानी गरेर सिमकोटमा प्रति बोरा छ हजार दुई सयमा बिक्री गरेको खच्चड व्यवसायी लोकेन्द्र शाहीले बताउनु भयो । पैदल मार्गबाट आउने सिमेन्ट सस्तो भएपछि जिल्ला भरिबाट सिमेन्टको अर्डर आउने गरेको उहाँले बताउनु भयो ।
हवाई र पैदल मार्गबाट ढुवानी हुने सिमेन्टको बोरामा मूल्य एक हजार आठ सय फरक पर्ने गरेको निर्मांण व्यवसायी संघका सचिव बुद्धी रोकायाले बताउनु भयो । पैदल मार्गबाट ढुवानी भएको सिमेन्ट एक बोराको मुल्य छ हजार दुई सय पर्ने गरेको सचिव रोकायाले बताउनु भयो । जब कि नेपालगंज र सुर्खेतबाट हवाई मार्गबाट आएको सिमेन्ट बोराको मूल्य आठ हजार पर्ने गरेको छ ।
ढुवानी चर्को भएका कारण मूल्य धेरै फरक पर्न थाले पछि हवाई मार्गबाट
सिमेन्ट आउन छोडेको सचिव रोकायाले बताउनु भयो । यसले गर्दा पैदल
मार्गबाट वर्ष भरि सयौ क्वीन्टल सिमेन्ट आउने गरेको छ । विकासे काम पनि
गर्न निकै सस्तो भएको छ । यसबाट खच्चड व्यवसायीले काम पनि पाएका छन् भने
दुई सय जना भन्दा बढी बेरोजगार युवाहरुले रोजगारी पाएको उद्योग वाणिज्य
संघका उपाध्यक्ष राम बहादुर भण्डारीले बताउनु भयो । सिमेन्ट पनि सस्तो र
स्थानीय बेरोजगारले पनि काम पाउने भएको कारण दुबैतिर फाईदा हुने गरेको
उहाँले बताउनु भयो ।-गोरखापत्र
युनिकोड
मिति रूपान्तरण
ग्लोबल आवाज
प्रतिक्रिया