‘पुष्पा २’ को ट्रेलर सार्वजनिक, २४ घन्टामै यूट्युव ट्रेन्डिङकाे पहिलाे नम्वरमा (भिडियाे)

बुटवल । सुपरहिट दक्षिण भारतीय चलचित्र ‘पुष्पाः द राइज’ काे बहुप्रतिक्षित सिक्बवेल ‘पुष्पा २’ को ट्रेलर सार्वजनिक गरीएको छ। करिब ३ मिनेट लामाे ट्रेलरमा अल्लु अर्जुन एङ्ग्री अवतारमा देखिएक छन। चलचित्रमा अल्लु अर्जुनसहित रश्मिका मन्दना र फहद फासिल पनि मुख्य भूमिकामा छन्।

यस चलचित्रको हिन्दी संगै तेलुगु ट्रेलरले युट्युवमा निकै भ्युज पाएकाे छ। १७ नाेभेम्बरमा रिलिज भएकाे ‘पुष्पा २’काे ट्रेलर एक दिनमै यूट्यूभ ट्रेन्डिङमा १ न. मा पुगेकाे छ । एकै दिनमा यसकाे ट्रेलरले ६ कराेड १० लाख बढि भ्यूज पाएकाे छ ।

ट्रेलर  एक संवादबाट सुरु हुन्छ, जहाँ सुनिन्छ ‘यो मान्छे को हो, जसलाई न पैसाको परवाह छ न सत्ताको डर छ। पक्कै पनि गहिरो चोट लागेको छ।’ लगतै अल्लु अर्जुनकाे पुष्पाको रूपमा धमाकेदार एन्ट्री हुन्छ, जहाँ उनी भन्छन् ‘पुष्पा।’ ।  ब्याकग्राउन्डमा ‘पुष्पा’ साढे दुई अक्षरको सानो नाम भए पनि पुष्पाकाे आवाज निकै दमदार छ भनिएकाे छ । त्यसपछि पुष्पाको जबरदस्त एक्सन दृश्यहरू देख्न सकीन्छ र याे ट्रेलरभरि नै हेर्न पाइन्छ। पुष्पाकी श्रीमती बनेकी रश्मिका मन्दनाकाे पनि अल्लु अर्जूनसँगकाे केमेस्ट्री निकै मिलेको देखिन्छ।

रक्त चन्दन तस्करी गरेर राजा बनेका पुष्पाको व्यापार अन्तर्राष्ट्रिय बजारमा पुगेको ट्रेलरमा देखाइएको छ। पुषपा स्वदेशी दुष्मनविरुद्ध मात्र नभई आफ्ना शत्रुहरु विरुद्ध विदेशमा पनि आफ्नो अधिकारका लागि लडिरहेको ट्रेलरमा देखिन्छ। यस चलचित्रको ट्रेलर दमदार संवादहरूले भरिएको छ। पुष्पा नाम मात्र होइन, पुष्पा ब्राण्ड हो भन्ने जस्ता संवादहरुले दर्शकहरुको ध्यान खिँच्छ ।

माइथ्री मुभि मेकर्सद्वारा सुकुमार फिल्मस्काे व्यानरमा निर्मित यो चलचित्र डिसेम्बर ५ मा रिलिज हुँदैछ। सुकुमारको लेखन र निर्देशन रहेको चलचित्रमा नवीन येर्नेनी र रविशंकर यममाञ्चिली चलचित्रका  निर्माता हुन्। चलचित्चरकाे संगीत देबी श्री प्रसादले भरेका छन भने छायङ्कन तथा संपादन मिरश्ललाे कुबा ब्राेजेक र नबिन नाेलले गरेका छन । चचित्रमा अल्लु अर्जून, रश्गमीका मन्दनासंगै  फरद फासिल, धनञ्जय, राव रमेश, सुनिल, अजय घोष लगायतका कलाकारको अभिनय रहेकाे छ। 

१७ डिसेम्बर सन् २०२१ रिलिज भएको पहिलो पार्ट ‘पुष्पाः द राइज’ निकै सफल रहेकाे चलचित्र हो। यस चलचित्रले विश्वभरबाट ३ सय करोड भारु कमाएको थियाे । सबैभन्दा धेरै कमाउने तेलुगु चलचित्रको सूचीमा ‘पुष्पाः द राइज’  छैठौं नम्बरमा छ।