बुटवल । बुटवल उपमहानगरपालिका–११, बुद्धनगरस्थित एक चर्चमा ९ वर्षीय बालकको मृत्युु भएपछि स्थानीयले छानबिनको माग गरेका छन् । शनिबार ९ वर्षका बालक आरएस खड्गीले झुण्डिएर आत्महत्या गरेको विषयमा घटना रहस्यमय र शंकास्पद भन्दै छानविनको माग गरेको स्थानीय हिरामणी न्यौपानेले बताए ।
शनिबार मध्यान्नको समयमा बालकले आत्महत्या प्रयास गरेपछि तत्कालै उद्धारका लागि लुम्बिनी प्रादेशिक अस्पताल बुटवलमा लगिएको थियो । परिवारले भने बालकको मृत्यु भइसकेपछि दिउँसो २ बजे मात्रै प्रहरीलाई खबर गरेको थियो ।
बुद्धनगरस्थित स्थानीय राजेन्द्र गौतमको घर भाडामा लिई सञ्चालन गरिरहेको चर्चमा बालकका बुबा रजत खड्गीले ध्यान गरिरहेको समयमा बालकले आत्महत्या प्रयास गरेका थिए । घटनाबारे थप अनुसन्धान जारी रहेको बताउँदै इलाका प्रहरी कार्यालय बुटवलले शवको पोस्टमार्टमपछि थप जानकारी प्राप्त हुने बताएको छ ।
युनिकोड
मिति रूपान्तरण
ग्लोबल आवाज
प्रतिक्रिया