बुटवल । लुम्बिनी प्रदेशका मुख्यमन्त्री कुलप्रसाद केसीले आज सोमबार प्रदेश सभाबाट विश्वासको मत लिने तयारी गरेका छन । नेकपा एमालेको अबरोधका बीच मार्सल लगाएर भए पनि विश्वासको मत लिने तयारी भएको छ ।
केसी मुख्यमन्त्रीमा नियुक्त भएसँगै प्रतिपक्ष भएको नेकपा एमालले दुई सदस्यलाई पदमुक्त गर्न दबाब दिँदै लगातार प्रदेश सभाको बैठक अवरुद्ध गर्दै आएको छ । आज दिउँसो साढे एक बजे शुरू भएको प्रदेश सभा बैठकमा एमाले सांसदहरुले नाराबाजी गरेपछि आधा घण्टा स्थगित भई पुनः सञ्चालन भएपनि विपक्षी दल नेकपा एमालेका सांसदहरु अनुपस्थित रहे । विपक्षी दल बिनानै सञ्चालन गरिएको बैठकमा दुई वटा कार्यसूचिमा कारबाही गर्दै पुनः साढे ३ बजे बस्नेगरी बैठक स्थगित भएको छ ।
एमालेले आज सोमबार बिहान सभामुख पूर्णबहादुर घर्तीलाई पत्र दिँदै विना विभागीय मन्त्री बनेका अजय शाही र विमला ओलीलाई सांसद पदबाट नहटाएसम्म बैठक चल्न नदिने जानकारी गराएको थियो ।
युनिकोड
मिति रूपान्तरण
ग्लोबल आवाज
प्रतिक्रिया