२३ श्रावण २०७९, सोमबार

Aug 8, 2022

बुटवल । प्रदेशको सुरक्षामा आधुनिक सुरक्षा प्रणाली लागू गर्ने भन्दै लुम्बिनी प्रदेश सरकारले जडान गरका सीसीटिभी क्यामेर बन्द भएका छन् । सडक सुरक्षा तथा आपराधिक क्रियाकलपहरुको रोकथाम तथा अध्ययन अनुसन्धानका लागि सहज गराउने उद्देश्यले बुटवलमा जडान गरिएका सिसिटिभी क्यामेरा काम नगर्ने अवस्थामा पुगेका छन् ।

Advertisement

विगत ३ महिनादेखि बुटवलमा जडान गरिएका एक दर्जन सिसिटिभी क्यामेराले काम गरेका छैनन् । प्रदेश सरकारको आन्तरिक मामिला तथा कानून मन्त्रयले डेढ वर्षअघि सिसिटिभी जडान गरी प्रादेशिक ट्राफिक प्रहरी कार्यालय बुटवललाई हस्तान्तरण गरेको थियो । प्रदेश सरकारले रोल्पा बाहेकका ११ जिल्लामा १ सय ५ ओटा सिसिटीभी क्यामेरा जडान गरेको थियो । २ करोड ५९ लाख ९३ हजार लागतमा ११ जिल्लाका बिभिन्न शहरहरुमा सिसिटिभी क्यामेरा जोडिएका छन् ।

यसै बीच बुटवलमा जडान गरिएका १२ वटै सिसिटिभी बन्द भएको प्रादेशिक ट्राफिक प्रहरी कार्यालय बुटवलका प्रवक्ता डिल्लिनारायण पाण्डेले जानकारी दिए । बुटवलको राजमार्ग चौराहदेखि गोलपार्कसम्म ६ लेन सडक विस्तारको काम चलिरहेका बेला विद्युत लाईन काटिएका कारण बन्द भएका हुन् । बुटवलको गोलपार्क, विद्युत चोक, हस्पिटल लाइन, भुड्की चोक, मिलनचोक, राजमार्ग चौराहा, नेपालगन्ज रोड र तिनाउ पुल पारीसम्मको करिब ३ किलोमिटर क्षेत्रका मुख्य राजमार्गको दृश्य प्रादेशिक ट्राफिक प्रहरी कार्यालय बुटवलको कन्ट्रोल रुपमा कैद हुने गरी जडान गरिए पनि अहिले बन्द अवस्थामा छ ।

सडकमा राखिएका सिसिटिभि क्यामेराको कन्ट्रोलरुम उद्घाटन कार्यक्रममा बोल्दै लुम्बिनी प्रदेशका मुख्यमन्त्री शंकर पोखरेल ।

सडक सुरक्षाका लागि राखिएका सिसिटिभी क्यामेराले काम गर्न छाडेपछि दुर्घटनाको अध्ययन अनुसन्धानमा समेत समस्या हुने गरेको ट्राफिक प्रहरी कार्यालय बुटवलका प्रवक्ता प्रहरी नायव उपरीक्षक डिल्लिनारायण पाण्डेले बताए । धेरै भिडभाड हुने तथा शहरका मुख्य नाकाहरुमा सिसिटिभि क्यामेरा राख्दा घटनाहरुको अध्ययन अनुसन्धान गर्न र सुरक्षा व्यवस्थाका लागि सहज हुने भए पनि जडान भएका क्यामेराहरुले समेत काम नगर्ने अवस्थामा पुगेको उनले बताए । सञ्चालनमा नआएका सिसिटिभि क्यामेराहरु मर्मत तथा पुनःसञ्चालनका लागि आफूहरुसँग बजेट अभाव भएका कारण बन्द अवस्थामा रहेको पाण्डेले बताए । क्यामेराहरु विग्रिएको अवस्थामा प्रदेश सरकार वा जडान गर्ने कम्पनीले नै मर्मत सम्भार गर्नु पर्ने भए पनि हालसम्म मर्मत नगरिएको उनले बताए ।

लुम्बिनी प्रदेश आन्तरिक मामिला तथा कानून मन्त्रालयका सूचना अधिकारी बाबुराम पन्थीले भने सिसिटिभी क्यामेराहरु विग्रिएको बारे कुनै जानकारी नभएको प्रतिक्रिया दिए । क्यामेराहरु जडान गरेर ट्राफिक प्रहरीको कार्यालयलाई जिम्मा लगाइएको बताउँदै उनले मर्मत गर्नु पर्ने अवस्थामा कार्यालयले मन्त्रालयलाई जानकारी दिनु पर्ने बताए । प्रादेशिक ट्राफिक प्रहरी कार्यालय बुटवलले हालसम्म कुनै पनि जानकारी नदिएको उनले बताए । प्रदेश सरकारले यो वर्ष पनि पुर्व-पश्चिम राजमार्ग अन्तरगत सैनामैना नगरपालिकाभित्रका विभिन्न चोकहरु र प्रदेशका अन्य ठाउँहरुमा सिसिटिभि क्यामेरा थप गर्नेगरी डेढ करोड बजेट विनियोजन गरेको उनले बताए ।

प्रतिकृया दिनुहोस्

Flash News

नेपालमा एमबीबीएस अध्ययन गर्ने विदेशी विद्यार्थीको संख्या ६ गुणाले बढ्यो बुबाले जंगलमा छोडेकी १५ महिनाकी बच्चीको गयो ज्यान भारतीय पर्यटकमा कोरोना, नेपाल प्रवेश गर्न रोक नहरको बाध भत्किँदा दर्जनौँ घर डुबानमा, सयौं बिघा धानबाली नष्ट अपमानजनक शब्द राखी बनाइएका नागरिकता सच्याउन गृहमन्त्रालयको निर्देशन उपमेयरले ढुवानी नगर्दा चामल अभाव चौराहा-गोलपार्क सडकः भदौ मसान्तसम्म पिच गर्ने प्रतिबद्धता सरकारी मूल्याङ्कनमा कति छ दरबारमार्ग र न्यूरोडको जग्गाको भाऊ ? पार्टी बैठक सानेपामा मात्र गर्ने निर्णयबाट पछि हट्यो कांग्रेस, फेरि बालुवाटारमा बस्न थाले बैठक राष्ट्रियसभामा तीन प्रतिवेदन पेश थप ९३४ जनामा कोरोना, एकको मृत्यु फोहर व्यवस्थापन : सोचमा नै छ खोट बजेट भाषण अनुसार नै तलब वृद्धि हन्छ : अर्थमन्त्री शर्मा काँग्रेस नेताहरूकाे बैठकः सय सिट राखेर मात्र गठबन्धन गर्न सुझाव भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि…