२३ श्रावण २०७९, सोमबार

Aug 8, 2022

बुटवल । लुम्बिनी प्रदेश सरकारको मन्त्रीमण्डल फेरबलपछि बसेको पहिलो बैठकले स्थानीय निकायहरुलाई दिने अनुदान रकमको सीमा वृद्धि गरेको छ । बैठकले वित्तीय समानिकरण अनुदान तर्फ स्थानीय निकायहरुलाई दिने रकम वृद्धि गरेर ७० करोड पुर्याएको छ ।

Advertisement

मुख्यमन्त्री शंकर पोखरेलको अध्यक्षतामा सोमबार बसेको बैठकले आगामी आर्थिक वर्ष २०७८/७९ का लागि स्थानीय निकायहरुलाई वित्तीय समानिकरण तर्फ दिने अनुदान रकममा १० करोडले वृद्धि गरेको हो । यसैगरी समपुर अनुदानतर्फ गाउँपालिकाहरुलाई १ करोड ५० लाख, नगरपालिकालाई दुई करोड र उपमहानगरपालिकालाई १ करोड गरी जम्मा १ अर्ब ८५ करोड ५० लाख अनुदान उपलब्ध गराउने भएको हो ।
बैठकले विशेष अनुदानको रुपमा मुख्यमन्त्री ग्रामिण विकास तथा रोजगार कार्यक्रमका लागि गाउँपालिकालाई ६० लाख, नगरपालिकालाई ७० लाख र उपमहानगरलाई ८० लाख गरी कुल एक अर्ब उपलब्ध गराउने भएको हो ।

आज बसेको बैठकले मन्त्रालयहरु फेरबल गर्ने निर्णय समेत गरेको छ । मुख्यमन्त्री शंकर पोखरेलका लागि मुख्यमन्त्री तथा मन्त्रीपरिषदको कार्याल, सरकारका प्रवक्ता तथा भौतिक पूर्वाकार विकासमन्त्री रहेका बैजनाथ चौधरीका लागि आर्थिक मामिला योजना मन्त्रालय, ग्रामिण तथा शहरी विकास मन्त्रालयको जिम्मेवारी दिइएको छ । यसैगरी उद्योग, पर्यटन, वन तथा वातावरण मन्त्री रहेका लिला गिरीलाई आन्तरिक मामिला तथा कानून मन्त्रालय, स्वास्थ्य तथा जनसंख्या मन्त्रालयको जिम्मेवारी दिइएको छ । यसैगरी जनता समाजवादी पार्टीको तर्फबाट मन्त्री बनेका सन्तोषकुमार पाण्डेयलाई भौतिक पूर्वाधार विकास मन्त्रालयको जिम्मेवारी दिइएको छ । यस मन्त्रालय अन्तरगत रहेको ग्रामिण तथा शहरी विकास मन्त्रालय भने आर्थिक मामिला तथा योजना मन्त्रालय अन्तरगत राखिएको छ ।

कृषि, शहकारी तथा भूमि सुधार मन्त्री रहेकी आरती पौडेललाई उद्योग, वन तथा वातावरण मन्त्रालयको जिम्मेवारी दिइएको छ । यसैगरी जसपाबाट मन्त्री बनेका विजयबहादुर यादवलाई भूमि व्यवस्था, कृषि तथा सहकारी मन्त्रालयको जिम्मेवारी दिइएको छ । यसैगरी जसपाबाट नै मन्त्री बनेकी कल्पना पाण्डेयलाई शिक्षा तथा सामाजिक विकास मन्त्रालयको जिम्मेवारी दिइएको छ । नव नियुक्ता राज्य मन्त्री सुमन शर्मा रायमाझीलाई भौतिक पूर्वाधार विकास मन्त्रालय अन्तरगत राखिएको छ ।

विशेष अधिवेशन बोलाउने सरकारको तयारी

मन्त्री परिषदको बैठक बारे जानकारी गराउन आयोजित पत्रकार सम्मेलनमा बोल्दै मन्त्री तथा सरकारका प्रवक्ता बैजनाथ चौधरीले छिट्टै विशेष अधिवेशनको मिति तय गरिने बताएका छन् । नेपाली कांग्रेस तथा नेकपा माओवादीका सांसदहरुले अविश्वासको प्रस्ताव दर्ता गराए लगत्तै विशेष अधिवेशनको माग गरेअनुसार मिति तय गरिने उनले उल्लेख गरे । सरकार अविश्वासको प्रस्ताव फेस गर्न तयार रहेको उल्लेख गर्दै उनले लुम्बिनी प्रदेश सरकारले अब निरन्तरता पाउने दाबी गरे ।

लुम्बिनीबाट संघीयताको अभ्यास

सोही अवसरमा उपस्थित नव नियुक्त मन्त्री सन्तोष पाण्डेयले संघीयताको अभ्यास लुम्बिनीबाट सुरु भएको दाबी गरे । सरकारको समर्थन गर्ने वा नगर्ने भन्ने बारेमा पार्टिको केन्द्र तहले निर्णय नगरे पनि आफूहरुले संघीयताको सहित सदुपयोग गर्दै समर्थन गरेको उल्लेख गरे । आफूले पाएको भौतिक पूर्वाधार विकास मन्त्रालयमा रहेर जनताले देख्नेगरी काम गर्ने उनको प्रतिवद्धता थियो ।

यसअघि सपथ ग्रहण लगत्तै सञ्चारकर्मीहरुको जिज्ञासामा पाण्डेयले आफूहरुले अन्य प्रयोजनका लागि गरिएको हस्तारक्ष दुरुपयोग गरी अविश्वासको प्रस्ताव दर्ता गरिएको आरोप लगाए । सोमर नै विपक्षी दलहरुले दर्ता गराएका अविश्वासको प्रस्तावमा जसपाका तर्फबाट ६ जना मध्ये ५ जना सांसदहरुको हस्ताक्षर रहेको थियो । अविश्वासको प्रस्ताव दर्ता भएपनि आफूहरु सरकारको पक्षमा रहेकाले पार्टीको केन्द्रीय नेतृत्वले आफूहरुलाई कारबाही नगर्ने उल्लेख गरे । ‘कारबाही भन्ने कुरा सेना प्रहरी भित्र हुन्छ ।’-सञ्चारकर्मीहरुलाई व्याग्यात्मक जवाफ फर्काउँदै मन्त्री पाण्डेयले भने पार्टीको केन्द्रीय नेतृत्वले के निर्णय गर्छ त्यो फरक पाटो हो, हामीले संघीयताको मर्मानुसार लुम्बिनी प्रदेशमा निर्णय गरेका हौं ।

प्रतिकृया दिनुहोस्

Flash News

ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए ! पुरानो सुनलाई टल्काउछौँ भन्दै ठगी गर्ने दुई भारतीय नागरिक पक्राउ सिट बाँडफाँटबारे छलफल गर्न सत्ता गठबन्धनको कार्यदलको बैठक बस्दै कर्णालीका चार ठाउँमा नयाँ सहर, पूर्वाधारको काम छैन सन्तोषजनक नेपालीहरूलाई पनि भारतीय सेनाको अग्निपथ भर्ना गर्ने योजना कोभिडका कारण चीनको हवाइमा ८० हजार पर्यटक फसे कमजोर बन्दै मनसुनी प्रभाव मोटरसाइकलबाट खसेर महिलाको मृत्यु करेन्ट लागेर २५ वर्षीया प्रशानाको मृत्यु पोखरा क्षेत्रीय अन्तर्राष्ट्रिय विमानस्थल पुसदेखि सञ्चालनमा आउने महजोडीको फिल्म ‘महापुरुष’को प्रदर्शन कात्तिकमा आगो लगाएर ज्वाइँद्वारा सासु र श्रीमतीको हत्या प्रयास बुटवलमा लेडी जेसीज सप्ताह २०२२ सुरु अन्तरछिमेक पार्टीगत सम्बन्ध जन्मदिनको अवसरमा पाण्डेले सुरु गरिन् विद्यालयमा खाजा कार्यक्रम, रोटरी क्लबले निरन्तरता दिने बुटवलमा बालबालिका लक्षित कोभिड विरुद्धको दोस्रो मात्रा खोप