१७ असार २०७९, शुक्रबार

Jul 1, 2022

वैशाख १४,

Advertisement

काठमाडौँ । उपलब्ध श्रम शक्तिमध्ये देशभर नौ लाख जना बेरोजगार रहेको केन्द्रीय तथ्याङ्क विभागले जनाएको छ । विभागले शुक्रबार सार्वजनिक गरेको तेस्रोे नेपाल श्रम शक्ति सर्वेक्षणअनुसार करिब ८० लाख श्रम शक्तिमध्ये उक्त सङ्ख्या बराबर बेरोजगार रहेको उल्लेख गरेको छ । २०७४ असारदेखि २०७५ जेठसम्म गरिएको सर्वेक्षणमा यसअघि जस्तै १५ वर्ष वा सोभन्दा बढी उमेर समूह वा काम गर्ने उमेर समूहका करिब १८ हजार घरपरिवारमा सर्वेक्षण गरिएको विभागले जानकारी दिएको छ ।


सर्वेक्षण अवधिभर कम्तीमा एक घण्टा तलब अथवा ज्याला पाउने गरी काम गरेका वा नाफा नोक्सान आफैँ बेहोर्ने गरी व्यवसायमा संलग्न भएकोलाई रोजगार मानिएको छ । सर्वेक्षण अवधिभन्दा ३० दिनअघिसम्म ज्याला पाउने काम खोजेका र त्यस्तो काम गर्न उपलब्ध भएका व्यक्तिलाई बेरोजगार मानिएको छ । विभागका अनुसार नेपालमा १५ वर्षभन्दा बढी उमेर समूहको सङ्ख्या दुई करोड सात लाख ४४ हजार छ । त्यसमध्ये ७० लाख ८६ हजार रोजगारीमा छन् । रोजगारीमा रहेकामध्ये ४४ लाख ४६ हजार पुरुष छन् भने २६ लाख ४० हजार महिला छन् । बसोबासका आधारमा ६९ प्रतिशत सहरमा र ३१ प्रतिशत ग्रामीण क्षेत्रमा रहेका छन् । रोजगारका आधारमा प्रदेशअनुसार सबैभन्दा बढी ४३.८ प्रतिशत र कम सुदूरपश्चिममा २४.१ प्रतिशत छ । 


कुल श्रम शक्तिको बेरोजगारमध्ये पाँच लाख ११ हजार पुरुष र तीन लाख ९७ हजार महिला छन् । बेरोजगारमध्ये ६ लाख ४० हजार सहरी क्षेत्रमा बसोबास गर्छन् भने दुई लाख ६८ हजार ग्रामीण क्षेत्रमा रहेका छन् । सर्वेक्षण अवधिमा नेपालको बेरोजगारी दर ११.४ प्रतिशत रहेको छ । त्यसमध्ये पुरुषको दर १०.३ प्रतिशत र महिलाको १३.१ प्रतिशत छ । सहरमा बेरोजगारी दर ११.६ प्रतिशत र गाउँमा १०.९ प्रतिशत छ । बेरोजगारका आधारमा प्रदेशअनुसार सबैभन्दा धेरै प्रदेश २ मा २०.१ प्रतिशत र कम प्रदेश ३ मा रहेको छ । 


कुल अर्थतन्त्रमध्ये औपचारिक रोजगारी १५.४ प्रतिशत रहेको छ भने अनौपचारिक रोजगारी ८४.६ प्रतिशत छ । यसरी रोजगारमा रहेका व्यक्तिको औसत मासिक कमाइ १७ हजार ८ सय ९ रुपियाँ छ । त्यसमध्ये पुरुषको १९ हजार ४६४ र महिलाको औसत मासिक आम्दानी १३ हजार ६ सय ३० रुपियाँ छ । औद्योगिक क्षेत्रका आधारमा सबैभन्दा धेरै कृषि, वन र माछापालन, थोक तथा खुद्रा बिक्री, मोटरगाडी तथा मोटरसाइकलको मर्मतसम्भार, उद्योग, निर्माण र शिक्षामा जस्ता क्षेत्रमा धेरै रोजगारीमा संलग्न रहेको पाइएको छ ।- गोरखापत्र

प्रतिकृया दिनुहोस्

Flash News

लुम्बिनी सरकारलाई अर्को चुनौती, अस्पताल विकास समितिलाई पुनर्वहाली गर्न सर्वोच्चको आदेश घुस रकमसहित अदालका कर्मचारी अख्तियारको फन्दामा लुम्बिनी प्रदेशमा २७८ मृगौला रोगी तथा १४७३ दमका विरामीलाई उपचारमा आर्थिक सहयाेग काँग्रेसमा संस्थापन इतरको बैठक आज पनि बस्ने यस्तो छ ३ दिनसम्ममको मौसमी आंकलन बनेपामा अस्पतालका कर्मचारी बोकेको बस दुर्घटना : एकको मृत्यु, ४३ जना घाइते विश्वका ११० देशमा पुनः कोरोनाको सङ्क्रमण वृद्धि लुम्बिनीको दाङमा सवारी दुर्घटना : दुई जनाको मृत्यु, दुई घाइते जुम्लामा जिल्ला स्तरीय कृषि मेला : चिनोदेखि भाँगोसम्म प्रदर्शनी अस्पतालका कर्मचारी बोकेको बस दुर्घटना : एकको मृत्यु, ४३ जना घाइते दाङमा सिकलसेलको स्क्रिनीङ परिक्षण गाई-गोरु बाँध्ने गोठमै नवजात शिशुसहित सुत्केरीको बास ५ वर्षीया बालिका बलात्कृत, १६ वर्षीय किशोर पक्राउ धान दिवसमा रोपाइँसँगै विविध सांस्कृतिक कार्यक्रम लुम्बिनीका ६ जिल्लामा सिकलसेल एनिमियाका बिरामी, परीक्षणमै समस्या इस्माले दुना–टपरी उद्योग सञ्चालन गर्ने शेखर कोइरालाको भेलामा को को सहभागी ? (फोटोफिचर) नेपालमा थप ५५ जनामा कोरोना संक्रमण पुष्टि रातभर सुत्दैनन् बुटवलकाे ज्योतिनगरबासी, टालटुले उपायले रोकिएला पहिरो ? माओवादी गुल्मीका पुराना नेता कार्की केन्द्रिय सदस्यमा मनोनित