१३ माघ २०७९, शुक्रबार

Jan 27, 2023

यो नसोच्नु होला पुरुष भएको कारण पुरुषको ओकालत गरी महिलालाई गिरायो । केही यथार्थपरक घटनालाई जोडेर केही लेख्न खोजेको छु । सबै महिला दिदि-बहिनि, आमाहरुप्रति मेरो उच्च सम्मान छ, सधै अनवरत रुपमा रहि रहनेछ ।

Advertisement

समाजमा महिला पिडित पुरूषको जमात ठूलो हुँदै गउको छ । दिनहुँजसो घट्ने यस्ता घटना बाहिर नआएका मात्र हुन् । जति महिला पिडित छन्, सोही अनुपातमा पुरूष पनि पिडित भएको देखिन्छ, समाजमा घटिरहेको बिभिन्न घटनाक्रमहरूलाई गहिराइबाट नियाल्ने हो भने । महिलाबाट पिडित पुरूषको संख्या झन्-झन् बढ्दै गएको छ । यसको अर्थ हाइन कि पुरूषबाट महिला पिडित छैनन् । जति महिला पिडित भएका घटनाहरुको बिरोध र महिलाको न्याय, हक-अधिकारका आवाज उठाइन्छ, आन्दोलन गरिन्छ त्यहीँ अनुपातमा पुरूष पिडित भएका घटनाहरुको न्याय र अधिकारका लागि आवाज उठेको कतै देखिँदैन । केही अपवादहरू बाहेक ।

समाज परिवर्तन हुँदै गएको छ । हामी पनि साच्चै आधुनिक बन्दै गएका छौं । अझ यो २१ औ शताब्दीमा हामी भन्छौं के महिला के पुरुष सबै बराबर । अहिलेको समयमा जो पुरुषले गर्न सक्ने काम महिलाले पनि गर्दै गएका छन् । गर्न सक्छन् भन्ने प्रमाणित गरेका छन्, यदि महिलाले अवसर पाएको खण्डमा । समाजमा पनि धेरै हदसम्म त महिलाहरूलाई अवसर र अधिकार दिएकै छ । कहीँ कतै कमजोरी पक्षहरू त पक्कै पनि छन, नहोलान् भन्न सकिदैन । क्रमशः ति सुधार हुने क्रममा छन् । सदियौदेखि सुन्दै आएको त्यही एउटै कुरा हो पुरूष प्रदान हाम्रो समाज । तर जुन रूपमा पुरूष प्रदान समाज भन्दै आएका छौं त्यसलाई पूरा-पूरा सही हो भन्न नसक्ने स्थितीमा हाम्रो समाज साच्चै पुगिसकेको छ । आजको समयमा महिलाहरूलाई पनि उत्तिकै अवसर दिएको नैं छ । पुर्ण रुपमा नहोला, महिलालाई शिक्षा लगायत हरेक क्षेत्रमा अवसर दिएको नैं पाईन्छ । केही अपवाद होलान् ।

महिला पुरुष बराबर हो एउटै रथका दुई पाङ्ग्रा हुन् । महिला–पुरुष एक आपसका परिपूरक हुन भन्ने कुरा हाम्रो शिक्षित बन्दै गएको समाजले स्विकार्दै आएको पनि छ । फरक यो छ कि महिला पिडित हुँदा बिभिन्न किसिमका महिला अधिकार कर्मीहरूको आवाज चर्को रूपमा आउँछ । महिला सम्बन्धित बिभिन्न संघ संस्था लागि परेका हुन्छन् पिडित महिलाहरुको न्याय अधिकार सुनिश्चित गर्नको लागि । तर पुरुष पिडित हुँदा भने खासै आवाज उठेको देखिदैन, न महिला अधिकार कर्मी र त्यस सम्बन्धी काम गर्ने संघसंस्थाहरूले आवाज उठाउँछन् ।

नत आजसम्म कुनै पुरुषअधिकार कर्मीहरु पुरूष पिडितहरुको आवाज सुनिदिने कुनै संघसंस्था नै छन् । नत सुन्नमा आएको छ । पिडित पुरूषहरूको आवाज कस्ले सुनिदिने र तिनिहरूको बारेमा ओकालत कस्ले गरिदिने साच्चै जटिल समस्याको विषय बन्दै गएको छ । यतातिर ध्यानाकर्षण खासै कसैको पनि छैन । पुरूष पनि कैयौं अवस्थामा पिडित भएका छन् । महिलाहरुबाट धेरै अप्ठ्यारोमा परेका छन् ।

पछिल्लो समय समाज मा बढ्दै गएका जुनसुकै अपराधी गतिविधि होस महिला पुरुषको संलग्नता बराबर जस्तै भएको देखिन्छ । बिगत केही वर्ष यताको तथ्याङ्कलाई हेर्ने हो भने महिलाबाट पिडित पुरूष धेरै वैदेशिक रोजगारीमा गएका युवाहरु भएको देखिन्छ । तपाईं हाम्रो समाजमा छरपस्ट रूपमा देख्न पाउनु भएको छ होला ।

वैदेशिक रोजगारले निम्त्याएको कारूणिक अवस्थाले कत्तिको बिचल्ली बनाएको छ । विरानो मुलुकमा परिवारको खुशी र उज्वल भविष्यका लागि भोक, शोक, माया, ममता र आफ्नोपनलाई पैतालामा च्यापेर दिनरात रात काम गर्दै, पसिनालाई पैसामा साटेर नेपालमा पैसा पठाउँछन् । त्यही पैसाको दुरुपयोग गरी घरपरिवार र छोरा छोरी सबैको बिचल्ली पारेर हिड्ने, महिलाको संख्या दिनानुदिन बढ्दै गएको छ । यस्ता महिलाबाट पिडित हुने पुरुषको आवाज कस्ले सुनिदिने ?

‘यसमा पूर्ण रूपमा महिला मात्र दोषी छन् भन्न खोजेको होइन, पुरुष पनि दोषी छन् यस्तो मामिलामा धेरै दोषी महिला भएको देखिन्छ । तर यो विषयमा महिलाले त जेन तेन न्याय पाएकै हुन्छन् । धेरै पुरूषहरू घर न घाटको स्थितिमा पुगेका हुन्छन् ।’ सबै पुरूष सही छन् सहि हुन् भनेको पक्कै होइन । पुरुषको न्याय अधिकारका लागि आवाज उठाउदै आन्दोलन गरेर सरकारलाई दबाब दिएको कतै पनि देख्न पाईदैन, जति महिलाका लागि आवाज उठाईन्छ । पुरूष पिडित भएका धेरै घटनाहरू छन् तर ति सबै छायाँमा छन् भयौं या अझ लुकेका छन् । बाहिर खासै आउदैन, न हाम्रो समाजले नै खासै पत्याउँछ ।

महिला पुरुष बराबर हुन अधिकार पनि बराबर दिनु पर्छ । पिडितलाई न्याय पनि बराबर दिनु पर्छ । यो होइन कि पुरूषले सानो गल्ती गरे जेलमा कोच्न सक्ने वातावरण सिर्जना गर्ने । महिलाले पुरूष माथि गरेको ज्याजति सहेर बस्न बाध्य छन कैयौं पुरुषहरु । कति ठाउँमा त महिला हो भनेर छुट दिएको अवस्था पनि छ । पछिल्लो समय केही गलत प्रवृत्तिका महिलाबाट धेरै पुरूष बर्बाद भएका छन् । कानुनी रुपमा उपचार नपाएको अवस्था छ । महिला पिडित हुँदा सबैको सहानुभुती र साथ समर्थन पाउछन् तर त्यहीँ पुरूष पिडित हुँदा त्यति साथ समर्थन पाउँदैन । अझ यो भनिन्छ, तिमी त पुरूष हो नि यस्ता साना तिना झिना मसिना कुराहरु पनि गर्ने हो ? पिडित पुरूषको आवाज नसुनिदिएको कैयौं घटनाले देखाएका छन् ।

महिला शब्द नै कोमल छ त्यसैले सबैको मन पनि छिट्टै छुन्छ, र तिनीहरू पिडामा परेको देख्दा आवाज पनी छिट्टै उठ्छ । पुरुष शब्द सुन्दा नै कठोर सुनिन्छ, झ्याप्प कसैको मन छुदैन । त्यसैको कारण उनीहरुको पिडामा पनि खासै आवाज उठ्दैन फरक यत्तिनै हो । महिला पुरुष जो पनि पिडित र पिडक हुन सक्छन् त्यसैले कसैलाई काखा कसैलाई पाखा नबनाइयोस् भन्ने हो । यहाँ कसैलाई आरोप प्रत्यारोप लगाउन खोजेको छैन । समाजमा धेरै घटना घटिरहेका हुन्छन्, महिला पुरुष दुवै तर्फबाट ।

भावनात्मक संवेगका आधारमा दण्ड नगरियोस् महिला अप्ठ्यारोमा पर्दा आवाज उठाउने महिला पुरुषहरू, पुरूष अप्ठ्यारोमा पर्दा पनि त्यति नै दरिलो रूपमा आवाज उठ्न् पर्छ । के महिला के पुरुष सबै बराबर हरेक तबरबाट यसलाई मनन् गर्नु पर्छ । अवसरमा मात्र महिला पुरुष बराबर होइन की हरेक क्षेत्रमा महिला र पुरुषको अस्तित्व बराबर होस् । बन्दै गरेको यो हाम्रो सु–शिक्षित समाजमा परिवर्तनको नयाँ आधार स्तम्भमा महिला पुरुष बराबर होस् । सबै लाई मेरो उच्च सम्मान् । जय देश ।

प्रतिकृया दिनुहोस्

Flash News

पर्दामा फर्कंदै मुन्नाभाइ र सर्किटको जोडी नरेन्द्र मोदीलाई ग्रेटर नेपालको ज्ञापनपत्र- गुन्जी नेपालको हो, गतिविधि अन्त्य गर्नू रवि लामिछानेविरुद्धको मुद्दामा बहस सकियो पठानले राखेका यी १० रेकर्ड सरकारमा बसेकाहरूप्रति चरम निराशा हुँदा आत्मदाहको घटना : नैनसिंह महर बाजुरामा भूकम्पबाट ४२ परिवार विस्थापित, ४ सय घरमा क्षति माया खोला हाइड्रोपावरकाे आईपीओ खुला श्रीधर र शान्तिको ‘कपालै कोरीमा’ सार्वजनिक एकैदिन तोलामा ११ सयले घट्यो सुनको मूल्य तिलोत्तमामा वासेबल प्याड बनाउने तालिम गृहमन्त्री लामिछानेको नागरिकता विवादबारे सुनुवाइ सुरु, आज नै निर्णय आउने सम्भावना सिरहामा वन कर्मचारीकै मिलोमतोमा काठ तस्करी लोकदोहोरी गायक भीम पौडेलको निधन जापानी मेयरलाई चिन्डो उपहार ग्याङ्स अफ वासेपुरलाई किन बिर्सन चाहन्छन् अनुराग अनेरास्ववियूले जलायो शिक्षामन्त्रीको पुत्ला आजकाे हरियो तरकारी र फलफूलको मूल्य राष्ट्रपति चयनमा पनि कांग्रेस पराजित हुन्छ: एमाले प्रचार विभाग उपप्रमुख रिजाल मोटरसाइकलको ठक्करबाट पैदल यात्रीको मृत्यु राष्ट्रिय सभाको बैठक बस्दै