१७ माघ २०७९, मंगलवार

Jan 31, 2023

काठमाडौ । लकडाउनलाई अन्त्य गर्दै आफ्ना जनतालाई पुनः काममा फर्काउन चाहिरहेका देशहरुले कोडिभ–१९ विरुद्ध खोप पत्ता नलागेसम्म नयाँ संक्रमणलाई नजिकबाट नियाल्नुपर्ने र त्यहीअनुसारले नियन्त्रण कायम राख्नुपर्ने चिनियाँ अनुभवमा आधारित अध्ययनले देखाएको छ ।

Advertisement

चीनमा दैनिक जीवनमा गरिएको आक्रामक नियन्त्रणले कोभिड–१९ को पहिलो लहरलाई अन्त्य गरेको हङकङमा रहेका अध्ययनकर्ताहरुले बताएका छन् । तर, दोस्रो लहरको खतरा अझै रहेको उनीहरुको भनाइ छ । ‘नियन्त्रणका उपायहरुले संक्रमितको संख्यालाई न्यूनमा झार्न सफल भएको छ तर कोभिड–१९ बिरुद्ध सामुहिक इम्युनिटी (रोग प्रतिरोधात्मक शक्ति) बिना व्यवसाय, उद्योग र विद्यालयहरु खुलेर सामाजिक घुलमिल बढ्दा संक्रमितको संख्या पुनः बढ्न सक्छ । विश्वभर महामारी फैलिरहँदा बाहिरबाट देशमा कोरोनासंक्रमित भित्र्ने खतरा उत्तिकै हुन्छ,’ अध्ययनमा संलग्न हङकङ विश्वविद्यालयका प्राध्यापक जोसेफ टी वू भन्छन् ।

चीनले एक कोभिड–१९ संक्रमित व्यक्तिले अर्को व्यक्तिलाई संक्रमित गर्ने दरलाई दुई वा तीनबाट एकभन्दा कममा झार्न सफल भएको छ । त्यही भएर त्यहाँ महामारी घट्दो क्रममा छ ।तर, दैनिक जीवनलाई चाँडै सामान्य रुपमा अघि बढ्न दिए र नियन्त्रणका उपायहरुलाई एकैपटक हटाउने हो भने यो संक्रमणको दर पुनः बढ्न सक्ने अध्ययनकर्ताहरुको चेतावनी छ । ‘के भइरहेको छ’ भन्ने कुरालाई सरकारले नजिकबाट नियाल्नु पर्ने उनीहरुको भनाइ छ । ‘सामाजिक दुरी र व्यवहार परिवर्तन जस्ता नियन्त्रणका नीतिहरु केही समय अझै लागू गनुपर्छ भने खोप पत्ता नलागेसम्म आर्थिक गतिविधिलाई पुनः सञ्चालन गर्ने र संक्रमणको दरलाई एकभन्दा कममा राख्नेबीचको सन्तुलनलाई पनि कायम गर्नु नै अहिले सबैभन्दा उत्तम रणनीति हुनसक्छ,’ वूले भने ।

ल्यान्सेट मेडिकल जर्नलमा प्रकाशित उक्त रिपोर्टलाई चीनमा फैलिएको महामारीमा आधारित गरिएको छ । उक्त रिपोर्टका अनुसार चीनमा कोरोनाभाइरस संक्रमितको मृत्यु दर १ प्रतिशतभन्दा कम रहेको थियो भने महामारीको केन्द्रविन्दु बनेको हुबेईमा यो दर ६ प्रतिशत थियो । हरेक प्रान्तको आर्थिक अवस्था र स्वास्थ्य सेवाको आधारमा यो दर फरक फरक पाइएको थियो । ‘बेइजिङ र सांघाईजस्ता समृद्ध र स्रोतसाधनले सम्पन्न मेगा सहरहरु, जहाँ स्वास्थ्य सेवा पर्याप्त छ, सेवाको माग ह्वात्तै बढे उनीहरुले पनि संघर्ष गर्नुपर्नेछ,’ हङकङ विश्वविद्यालयका प्राध्यापक ग्याब्रियल एम लेउङ भन्छन् ।

मध्य जनवरीदेखि फेब्रुअरी २९ सम्म चार सहर बेइजिङ, सांघाई, सेनजेन र वेनझाउ र हुबेईबाहिर सबैभन्दा बढी संक्रमित रहेका १० प्रान्तहरुमा स्वास्थ्य आयोगले जारी गरेको कोभिड १९ संक्रमितहरुको तथ्यांकको आधारमा उक्त रिपोर्ट तयार गरिएको हो । अध्ययनले नियन्त्रणका उपायहरु बिस्तारै मात्र हटाउनुपर्ने निष्कर्ष निकालेको छ । संक्रमितको संख्यालाई पुनः बढ्न दिने हो भने यसले स्वास्थ्य र अर्थतन्त्रमा झन् ठूलो क्षति पुर्याउने र संक्रमितको संख्यालाई कम गर्न झन् कडा उपायहरु अपाउनुपर्ने हुनसक्ने अध्ययनमा भनिएको छ ।

केही समयका लागि सामाजिक दुरी, व्यवहारमा परिवर्तन, जनचेतना लगायतका उपायहरु जारी राखिए पनि खोप उपलब्ध नभएसम्म आर्थिक गतिविधि खुला गर्ने र नयाँ संक्रमण बढ्न नदिन आवश्यक नियन्त्रणलाई कायम राख्ने बीचको सन्तुलन मिलाउनु नै उत्तम रणनीति हुने अध्ययनको निष्कर्ष रहेको छ ।   

स्रोत : द गार्जियन

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु