ताजा अपडेट »

पर्यटकीय राजधानी घोषणासँगै पोखरामा आजदेखि डिस्को, बार तथा दोहोरी साँझ रातभर खोल्न पाउने

आइतबार, ०४ चैत्र २०८०, १६ : २४
108 Shares

पोखरा । पोखरालाई पर्यटकीइ राजधानी घोषणासँगै आजैदेखि लागू हुने गरी रातभर डिस्को, बार, लाइभ म्युजिक तथा दोहोरी साँझ रातभर खुल्न पाउने भएका छन् । पोखरलाई नेपालको पर्यटकीय राजधानी घोषणा कार्यक्रममा बोल्दै गण्डकी प्रदेशका मुख्यमन्त्री सुरेन्द्रराज पाण्डेले यस्तो घोषणा गरेका हुन्।

उनले आजै साँझदेखि लागू हुने गरी निश्चित मापदण्ड बनाएर पोखराको लेकसाइड इलाका, पृथ्वीचोक महेन्द्रपुल, चिप्लेढुंगामा बार, रेष्टुरेण्ट, स्पा, किराना तथा खाजा पसलहरु रातको एक बजेसम्म निर्बाध रुपमा सञ्चालन हुने बताए।

उनले राउण्ड फेवा, भिउ फेवा ट्रेकिङ ट्रेल आगामी दिनमा सञ्चालन गर्ने पनि प्रतिबद्धता जनाए। उनले बेगनास तालमा क्रुज सिप सञ्चालन गर्ने घोषणा गरे। पोखरामा आधुनिक टर्मिनलसहितको बसपार्क निर्माण गर्ने, पोखरालाई वृहत् ध्यान केन्द्रको रुपमा एउटा ध्यान केन्द्र निर्माण गर्ने घोषणा पनि गरे।

पोखरा अन्तर्राष्ट्रिय विमानस्थलदेखि पृथ्वी चोकसम्म स्टल बस सेवा सञ्चालन गर्ने उनले प्रतिबद्धता जनाए।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।