सुनार र खत्रीसहित गुल्मीका ६ पत्रकारलाई सम्मान

बुटवल । ग्लोबल आवाज डिजिटल पत्रिकाका गुल्मी संवाददाता सहित ६ जना पत्रकार सम्मानित भएका छन् । गुल्मी स्थित साझा नेटर्वक मिडियाले पत्रकारहरूलाई सम्मान गरेको हो । 

नेपाल पत्रकार महासंघ गुल्मीका सचिव प्रेम सुनार, गुल्मीका क्रियाशील पत्रकार अनिल खत्री लगायतका पत्रकारहरूलाई सम्मान गरेको हो । भित्तेपात्रो विमोचन एवं सम्मान कार्यक्रममा सुनार र खत्रि सहित पत्रकार महासंघ गुल्मी अध्यक्ष टोलपाल अर्याल, हुमाकान्त पोखरेल, कमल पौडेल र देवेन्द्र केसीलाई सम्मान गरिएको हो । 

उनीहरूलाई साझा नेटवर्क प्रालिका अध्यक्ष केशव कँडेल र रेसुङ्गा नगरपालिकाका प्रमुख डिल्लीराज भुसालले सम्मान गरेका हुन् । 
साझा नेटवर्कलाई बिभिन्न तवरले सहयोग गरेको भन्दै जिल्लाका क्रियाशील पत्रकारहरूलाई सम्मान गरिएको संस्थाका सल्लाहकार हिमशिखर रसाइलीले बताए । 

सम्मान तथा भित्तेपात्रो विमोचन गर्दै रेसुङ्गा नगरपालिकाका मेयर डिल्लीराज भुसालले पछिल्लो समयमा छापा मिडियाभन्दा अनलाइन मिडियाले निकै फड्को मारेको बताए ।