ताजा अपडेट »

रुपन्देहीको देवदहमा मुसहर बस्तीका विपन्नलाई चल्ला बितरण

मंगलबार, ३१ चैत्र २०७७, १६ : ३८
2 Shares

बुटवल । रुपन्देहीको देवदह स्थीत मुसहर बस्तीमा रहेका बिपन्न परिवारलाई आय आर्जनका लागि कुखुराका चल्ला हस्तान्तरण गरिएको छ ।

आशा फाउण्डेसनको सहकार्यमा रोटरी क्लव अफ क्यापिटल बुटवल र रोट्याक्ट क्लव अफ तिनाउ बुटवलको संयुक्त आयोजनामा स्थानीय जातका कुखुराका चल्ला बितरण गरिएको हो । देवदह नगरपालिका वडा नं ४ डुमरा पिपरिहवामा रहेका १९ परिवारलाई प्रतिघर २० थान लोकल कुखुराका चल्ला र तिनका लागि १५ दिन पुग्ने दाना हस्तान्तरण गरिएको क्लवका अध्यक्ष दिनेश पाण्डेले बताए ।

सहयोग हस्तान्तरण कार्यक्रममा बोल्दै लुम्विनी प्रदेशका प्रदेश सभा सदस्य डा. कृष्ण न्यौपानेले रोटरी क्लवले सामाजिक सेवा कार्यमा पुर्याएको योगदान प्रशंसनीय रहेको बताए । न्यौपानेले रोटरी क्लवले पछिल्लो समय शिक्षा र स्वास्थ्यसंगै बिपन्न समुदायमा आय आर्जनका लागि गरेको सहयोगले अरुका लागि दिशा निर्देश गरेको बताए ।

कार्यक्रममा रोटरी डिष्ट्रिक ३२९२ का एसिस्टेन्ट गभर्नर राजकुमार गुप्ता, क्लवका एडभाईजर एजाज आलम, ईलेक्ट प्रेसिडेन्ट माधव नेपाल, रोटर्याक्ट क्लव अफ तिनाउ बुटवलका अध्यक्ष ईन्दु पौडेल लगायतले सामाजिक संघ संस्थाहरुबाट प्राप्त सहयोग सदुपयोग गर्न सके समाजको बिकास र समुदाय संगको सहकार्यका लागि असंख्य संस्थाहरु तयार रहने अवस्था रहेको बताए ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।