अदालतको कर्मचारी दश हजार घुससहित पक्राउ

जेठ २७, बुटवल । अख्तियार दुरुपयोग अनुसन्धान आयोगको सम्पर्क कार्यालय बुटवलले घुस सहित एक जनालाई पक्राउ गरेको छ । अख्तियारले रुपन्देही जिल्ला अदालतको एक कर्मचारीलाई मंगलबार रंगेहात पक्राउ गरेको हो ।

सेवाग्राहीसंग मुद्दा मिलाइदिने भन्दै दश हजार रुपैयाँ घुस लिदैं गरेको अवस्थामा अदालतको बालमनोविज्ञ शान्ति अधिकारीलाई भैरहवा स्थित नेपाल विद्युत प्राधिकरण भैरहवा वितरण केन्द्रबाट अख्तियारले पक्राउ गरेको हो । घटनाको विषयमा थप अनुसन्धान भइरहेको अख्तियार दुरुपयोग अनुसन्धान आयोगको सम्पर्क कार्यालय बुटवलका प्रवक्ता सुरेश भुसालले बताए ।