April 20, 2021, Tuesday
७ बैशाख २०७८, मंगलवार

जहाजभित्र साङ्गीतिक एल्बम विमोचन गरेर विश्व कीर्तिमान

381

वरिष्ठ गीतकार हरिगोपाल प्रधानद्वारा लिखित “यो मुटुमा सधैँभरि” नामक गीति एल्वम शहरी विकास राज्यमन्त्री रामवीर मानन्धरको हातबाट विमोचन गरी वल्र्ड रेकर्ड राख्न सफल हुनुभएकामा उपराष्ट्रपति नन्दबहादुर पुनद्वारा वल्र्ड रेकर्डको प्रमाणपत्र गीतकार प्रधानलाई हस्तान्तरण गर्नुहुँदै । उक्त गीतको म्यूजिक भिडियोमा राससका फोटोपत्रकार प्रदीपराज वन्त र मोडल कृजना डङ्गोलको अभिनय रहेको छ । तस्वीर : प्रदीपराज वन्त/रासस

काठमाण्डौं । गीतकार हरिगोपाल प्रधानले हवाइजहाजभित्र साङ्गीतिक एल्बम विमोचन गरेर विश्व कीर्तिमान कायम गर्नुभएको छ । उहाँले फेब्रुअरी १, २०२१ मा काठमाडौँदेखि नयाँ दिल्लीका लागि उडेको नेपाल वायु सेवा निगमको जहाजभित्र ३६ हजार फिट उचाइमा शहरी विकास राज्यमन्त्री रामवीर मानन्धरमार्फत ‘मुटुमा सधैँभरी’ साङ्गीतिक एल्बम विमोचन गरेर विश्व कीर्तिमान कायम गरेका हुन्।

उक्त साङ्गीतिक एल्बममा राष्ट्रिय समाचार समिति (रासस) का फोटो पत्रकार प्रदीपराज वन्त र किर्जना डङ्गोलको मोडलिङ तथा आरध्यालक्ष्मी खड्गीले कोरियोग्राफी गरेका छन् । उपराष्ट्रपति नन्दबहादुर पुनले वरिष्ठ गीतकार प्रधानलाई आज वल्र्ड बुक अफ रेकर्डस् नेपालको तर्फबाट सम्मान गरेका । कार्यक्रममा उपराष्ट्रपति पुनले विश्व कीर्तिमानले नेपाली र नेपालको शिर ठाडो बनाएको बताए।

“संसारमा कसैले नगरेको काम गरेर नयाँ रेकर्ड बनाउने काम आफैँमा गाह्रो काम हो, तपाईले रेकर्ड राखेर नेपालीको शिर ठाडो पार्नुभएको छ,” उनले भने । शहरी विकास राज्यमन्त्री मानन्धरले साङ्गीतिक क्षेत्रको नमूना देश नेपाल भएको जनाउँदै यसलाई अन्तर्राष्ट्रियस्तरमा चिनाउन जरुरी रहेको बताए । नेपालीहरुले धेरै क्षेत्रमा वल्र्ड रेकर्ड बनाइसकेको उनको भनाइ थियो । गीतकार प्रधानले सबैको साथ, सहयोगका कारण आफूले विश्व रेकर्ड बनाउन सफल भएको बताए । सोही अवसरमा वल्र्ड रेकर्ड बनाउन विभिन्न क्षेत्रबाट सहयोग गर्ने व्यक्ति तथा संस्थालाई सम्मान गरिएको थियो ।

पछिल्लो अपडेट