१० माघ २०७८, सोमबार

Jan 24, 2022

भैरहवा । जिल्ला स्तरिय कोभिड १९ संकट ब्यवस्थापन केन्द्र (डिसीसीएमसी) भारतमा कोभिडको बढ्दो संक्रमणलाई ध्यानमा राख्दै सीमामा थप सर्तकता अपनाउने निर्णय गरेको छ । शुक्रबार जिल्ला प्रशासन कार्यालय रुपन्देहीमा बसेको डिसीसीएमसीको बैठकले अहिले सीमामा आवागमन अब्यवस्थित भएको स्विकार गर्दै अब उपरान्त यसलाई ब्यवस्थित गर्ने निर्णय गरेको हो ।

Advertisement

बेलहिया नाका हुदै भारतबाट आउने नागरिकहरुलाई नाकामा स्थापना भएको हेल्थ डेस्कमा अनिवार्य स्वास्थ्य चेकजाँच गरि उनिहरुको अभिलेख राखिने डिसीसीएमसीका संयोजक एवम रुपन्देहीका प्रमुख जिल्ला अधिकारी पिताम्बर घिमिरेले जानकारी दिए । यसरी स्वास्थ्य चेकजाँच गर्दा कोही शंकास्पद भए सीमामै उनिहरुको स्वाब लिई एन्टिजेन टेष्ट गर्ने ब्यवस्था रहेको उनले बताए । परिक्षणबाट पोजिटिभ देखिए अस्पताल, आईसोलेसन वा होम आईसोलनमा राखिने ब्यवस्था समेत गर्ने निर्णय भएको घिमिरेले बताए । डिसीसीएमसी बैठकले जिल्लामा रहेको सबै पालिकाहरुलाई क्वारेन्टाईन र आईसोलेसन केन्द्र पनि तयार पारेर राख्न निर्देशन दिने निर्णय गरेको छ ।

यस्तै बैठकले धेरै मानिस भिडभाड गरि गरिने भेलाहरु पनि रोक्ने निर्णय गरेको छ । हाल सञ्चालनमा रहेका हाटबजार, बिद्यालय लयागतका क्षेत्रहरुमा प्रभाव नपर्ने गरि अन्य सभा सम्मेलन र भिडभाडयुक्त कार्यक्रम नगर्न बैठकले अनुरोध गरेको छ । मेला, महोत्सव, भेला लगायत अन्य भिडभाड युक्त कार्यक्रमले संक्रमणको जोखिम बढ्ने खतरा रहेको हुदा यसलाई रोक्ने बैठकले निर्णय गरेको हो ।
अहिले सञ्चालनमा रहेका सार्वजनिक यातायात, हाटबजार, बिद्यालय लगायतमा पनि कडाईका साथ स्वास्थ्य सम्बन्धि मापदण्ड पालन गर्न लगाउन बैठकले सुरक्षा निकायलाई निर्देशन दिएको छ । यस्ता भिडभाड हुने क्षेत्रहरुमा मास्क, सेनेटाईजर र सामाजिक दुरीको पालना गर्न डिसीसीएमसीले अनुरोध गरेको छ ।

डिसीसीएमसीका संयोजक एवम रुपन्देहीका प्रमुख जिल्ला अधिकारी पिताम्बर घिमिरेको संयोजकत्वमा बसेको बैठकमा रुपन्देहीका पालिकाहरुका प्रमुख तथा उप–प्रमुख, सुरक्षा निकायका प्रमुख, ब्यवसायिक संघ संस्था, होटल एसोसिएसनका प्रतिनिधिहरुको उपस्थिति थियो । उनिहरुले अब लकडाउन गर्नै नहुने सुझाव दिएका थिए । भारतमा कोभिड संक्रमण फैलिदै गए पछि सीमामा सर्तकता अपनाउदै यहाका आर्थिक क्रियाकलाप सञ्चालन हुनु पर्ने राय राखेपछि डिसीसीएमसी सोही अनुसारको निर्णय गरेको छ । तत्काल जिल्लामा कुनै अप्रिय घटना नभएकोले अहिले सर्तकता बढाउने र यसमा सबैले उत्तिकै पहल गर्नु पर्नुे बैठकको निर्णय थियो ।

सीमा पारी अहिले बजार गर्न जानेको संख्या उत्तिकै रहेको हुदा यसलाई पूर्ण रुपमा रोक्न बैठकले सुरक्षा निकायलाई निर्देशन समेत दिएको छ । यस्तै सीमापारीबाट नेपालमा औषधी, घर फर्किने नेपाली लगायतलाई अघिलेख राखि सहज प्रवेश दिईने भएको छ भने नेपाल भ्रमणमा आउने पर्यटकहरुलाई पूर्ण रुपमा डिसीसीएमसीको बैठकले रोक लगाएको छ ।

पहिलो दिन नै भेटिए पोजिटिभ
सीमामा हेल्थ डेस्क राखी एन्टीजेन परिक्षण सुरु गरिएको पहिलो दिन नै भारतबाट नेपालमा काम गर्न आउदै गरेका एक जना कामदारलाई कोरोना पोजिटभ देखिएको छ । स्वास्थ्य कार्यालय रुपन्देहीका प्रमुख डाक्टर राजेन्द्र गिरीका अनुसार भारतबाट लुम्बिनी औद्योगिक कोरिडोरमा रहेको उद्योगमा काम गर्न आई रहेका भारत राजस्थान बस्ने एक जना पुरुषलाई पोजिटिभ देखिएको हो । स्वाबको माध्यमबाट परिक्षण गरिने एन्टिजेन प्रभावकारी रहेको उनको भनाई छ । आधा घण्टामै नतिजा आउने यो परिक्षणबाट पोजिटभ देखिएका भारतीय नागरिकलाई सम्बन्धित उद्योगले नै होम आईसोलेसनमा राख्ने गरि जिम्मा दिईने उनले बताए ।

प्रतिकृया दिनुहोस्

Flash News

राष्ट्रियसभा निर्वाचन सुरक्षाकाे जिम्मा प्रदेश प्रहरीलाई काठमाडौंमा सिटामोलको अभाव छ, यसमा पनि नाफाखोरीको तारतम्य छ ? कोरोनाको नाममा आफूखुसी कार्यालय अनुपस्थित, स्वीकृती लिएरमात्र बस्न निर्देशन जिल्ला भित्रने सबैलाई खोप कार्ड अनिवार्य मूल्यवृद्धिको बिरोधमा विप्लव नेकपाको प्रदर्शन प्रहरीको मोटरसाइकल लिएर फरार कैदी नाइके पक्राउ कर्णालीका मुख्यमन्त्री शाहीको सम्पत्ति : ५६ तोला सुन, ठाउँ-ठाउँमा जग्गा दाङमा अतिरिक्त खोप लगाउन सुरु, सिरिन्ज अभाव व्यवसायीलाई हतोत्साहित नबनाऔं सिद्धबाबा सुरुङमार्गको निर्माण आगामी महिना सुरु हुने बढ्यो संक्रमण, छैन सर्तकता राष्ट्रिय सभा निर्वाचन : लुम्बिनीमा कुन दलको कस्तो अवस्था ? नेपालमा एक लाख ६८ हजारले लगाए बुस्टर डोज, अझै एक करोड खोप मौज्दात १६ पुसदेखि हराइरहेकी महिलाको शव घरभित्रै फेला सुस्ता गाउँपालिकाद्वारा ६१ करोडको बजेट प्रस्तुत बिपी प्रतिष्ठान सम्हाल्न आइपुगे यादव, आन्दोलनरत पक्षकाे स्वागत, कर्मचारीकाे विरोध नालामा फसेर गैंडा मरेको विषयमा अनुसन्धान गर्न सहायक वार्डेनलाई जिम्मा जिल्ला प्रशासन रसुवाका ९० प्रतिशत कर्मचारीलाई कोरोना, शुक्रबारसम्म सेवा बन्द थप १० हजार ३१९ जनामा कोरोना संक्रमण, ४ जनाको मृत्यु खोटाङमा कोरोनाका सक्रिय संक्रमित सय नाघे