ताजा अपडेट »

नेपाल चेम्बर र रोयल नेपाल गल्फ क्लबबीच समझदारी

शुक्रबार, १३ चैत्र २०७७, ११ : ०१
2 Shares

काठमाडौँ । नेपाल चेम्बर अफ कमर्स र रोयल नेपाल गल्फ क्लबबीच आगामी पाँच वर्षका लागि ‘नेपाल चेम्बर गल्फ टुर्नामेन्ट’ आयोजना गर्ने समझदारीपत्रमा हस्ताक्षर भएको छ ।नेपाल चेम्बरका तर्फबाट पर्यटन समितिका सभापति अर्जुनप्रसाद शर्मा तथा क्लबका क्याप्टेन राजेन्द्रमान शेरचनले आज उक्त समझदारीपत्रमा हस्ताक्षर गरे । नेपाल चेम्बर अफ कमर्सको ७०औँ वार्षिकोत्सवका अवसरमा यही चैत २० र २१ गते ‘नेपाल चेम्बर गल्फ टुर्नामेन्ट’ को पहिलो संस्करण आयोजना गरिनेछ । यसपछि पाँच वर्षसम्म हरेक वर्ष गल्फ प्रतियोगिता आयोजना गर्ने समझदारीपत्रमा उल्लेख छ ।

अहिले कर्पोरेट क्षेत्रलाई लक्ष्य गरी आयोजना गरिने गल्फ प्रतियोगितालाई भविष्यमा मुलुकको पर्यटन प्रवद्र्धनमा समेत सहयोग पुग्ने गरी अन्तरराष्ट्रियस्तरको बनाइने नेपाल चेम्बर अफ कमर्सका कार्यसमिति सदस्य एवं पर्यटन सभापति अर्जुनप्रसाद शर्माले जानकारी दिए । “यसखालका प्रतियोगिताले कोभिड- १९ पछि खस्किएको पर्यटन उद्योगलाई प्रवद्र्धन गर्न सहयोग पुग्छ भन्ने हाम्रो अपेक्षा छ”, शर्माले भने ।

रासस
लेखकको बारेमा
रासस