काठमाडौँ । म्यानमारमा सैनिक जवानले चलाएको गोली लागेर ७ वर्षीया बालिकाको मृत्यु भएको छ। सेभ द चिल्ड्रेनका अनुसार मनडाले क्षेत्रमा सेनाले चलाएको गोली लागेर बालिकाको मृत्यु भएको हो। हालसम्म म्यानमारमा करिब २० बालबालिकाको मृत्यु भइसकेको छ।
अन्तराष्ट्रिय सञ्चारमाध्यममा अनुसार बालिकाको बुबामाथि चलाइएको गोली बालिकालाई लागेको हो । बालिकाको बुबा र १९ वर्षीया दाइलाई सेनाले नियन्त्रणमा लिएको छ । माघ १९ गते सेनाले 'कू' गरेपछि दैनिक सैन्य सरकारविरुद्ध आन्दोलन भइरहेको छ। प्रहरी र प्रदर्शनकारीबिच दिनहुँ झडप हुने र सुरक्षाकर्मीहरुले अत्याधिक बल प्रयोग गर्ने गरेको बताइएको छ। सैन्य कू पछि प्रदर्शनका क्रममा म्यानमारमा १६४ जनाको मृत्यु भइसकेको सेनाले जनाएको छ।
प्रतिक्रिया