भैरहवा । सिद्धार्थ उद्योग बाणिज्य संघ, भैरहवाकोको अध्यक्षमा मतदानको आगामी कार्यकालका लागि भएको मतदानको परिणाम आज सार्वजनिक गरिएको छ । आगामी नेतृत्वमा सदस्य पदका लागि शनिबार मतदान भएको थियो । निर्वाचनमा संघको महिला सदस्यका लागि ४ जनाको उम्मेदवारी परेकामा ६५१ मत प्राप्त गरी पल्लवी न्यौपाने विजयी भएकी छन् । यसैगरी उद्योगतर्फको सदस्यहरुमा मंगल भण्डारी, रचना क्षेत्री, हरिबहादुर थापा, भुवनकुमार कान्दु र रमेश घिमिरे विजयी भएका छन् । उद्योगतर्फको ५ सदस्य पदका लागि ११ उमेद्वारी परेको थियो ।

यस्तै वाणिज्य संदस्यतर्फ १० पदका लागि १९ जनाको उम्मेदवारी परेको थियो । शनिबार भएको निर्वाचनबाट अभिनव मयुर कसौधन, संजयकुमार वेरिवाल, अर्जुन कार्की, प्रितम रौनियार, कमलप्रसाद मरासिनी, गोपाल भण्डारी, हरिश सेठिया, धर्मविर शर्मा, प्रमोद रिजाल र गौरव श्रेष्ठ विजयी भएका छन् । सदस्य पदको टुङ्गो लगाउन संघमा १ हजार ५ सय ६५ जनाले मतदान गरेका थिए । १६ वटा सदस्य पदको लागि ३४ जना चुनावी मैदानमा उत्रिएका थिए ।

प्रमुख निर्वाचन अधिकृत शिव प्रसाद गौडेलका अनुसार संघको आगामी कार्यकालको लागि अध्यक्षमा भीष्म प्रसाद न्यौपाने ‘सर्वज्ञ’ निर्विरोध निर्वाचित भएका छन । उनि संगै संघको सम्पूर्ण पदाधिकारी पदहरु सर्वसम्मतमै निर्वाचित भएको छ । वरिष्ठ उपाध्यक्षमा ठाकुर कुमार श्रेष्ठ, कर्पोरेट उपाध्यक्षमा अरुण कुमार गोयन्का, उद्योग तर्फ उपाध्यक्षमा दिलिप कुमार कान्दु र बाणिज्य तर्फको उपाध्यक्षको लागि नेत्रप्रसाद पाण्डे निर्वाचित भएका छन् ।

यस्तै महासचिव विजय पाण्डे कोषाध्यक्ष गोविन्द प्रसाद उपाध्याय ज्ञवाली र सचिवमा दिपेन्द्र प्रधान सर्वसम्मतिमै निर्वाचित भएको गौडेलले जानकारी दिए । यसको साथै बाणिज्यतर्फ महिला उम्मेदवार यमकला न्यौपाने, कर्पोरेट सदस्यमा रोहित कुमार अग्रवाल र विकास कुमार गोयन्का तथा बस्तुगत सदस्यमा कृष्ण प्रसाद शर्मा पनि निर्विरोध चयन भएका छन् ।