नयाँ नेतृत्वका लागि सिद्धार्थनगर बाणिज्य संघमा ८२ प्रतिशत मतदान

भैरहवा । यस क्षेत्रकै जेठो संस्था सिद्धार्थ उद्योग बाणिज्य संघ, भैरहवाको आगामी कार्यकालको लागी मतदान सकिएको छ । प्रमुख निर्वाचन अधिकृत शिव प्रसाद गौडेलका अनुसार १ हजार ५ सय ६५ जना (८२ दशमलव १९ प्रतिशत) ले मतदान गरेका छन् ।

Advertisement

संघले आगामी कार्यकालको लागी अध्यक्षमा भीष्म प्रसाद न्यौपाने “सर्वज्ञ” निर्विरोध निर्वाचित भएका छन । उम्मेदवारी दर्तामा अन्य कसैले पनि उम्मेदवारी नदिए पछि सर्वज्ञ अध्यक्ष भएका हुन् । उनि संगै संघको सम्पूर्ण पदाधिकारी पदहरु सर्वसम्मतमै निर्वाचित भएको छ ।

सिद्धार्थ उद्योग बाणिज्य संघको वरिष्ठ उपाध्यक्षमा ठाकुर कुमार श्रेष्ठ, कर्पोरेट उपाध्यक्षमा अरुण कुमार गोयन्का, उद्योग तर्फ उपाध्यक्षमा दिलिप कुमार कान्दु र बाणिज्य तर्फको उपाध्यक्षको लागी नेत्र प्रसाद पाण्डेको निर्वाचित भएका छन् । यस्तै महासचिव विजय पाण्डे कोषाध्यक्ष गोविन्द प्रसाद उपाध्याय ज्ञवाली र सचिवमा दिपेन्द्र प्रधान पनि सर्वसम्मतिमै निर्वाचित भएको गौडेलले जानकारी दिए । यसको साथै बाणिज्य तर्फ महिला उम्मेदवार यमकला न्यौपाने, कर्पोरेट सदस्यमा रोहित कुमार अग्रवाल र विकास कुमार गोयन्का तथा बस्तुगत सदस्यमा कृष्ण प्रसाद शर्मा पनि निर्विरोध चयन भएका छन् ।

पदाधिकारी पद निर्विरोध भए पनि सदस्य पदको लागी धेरै आकांक्षी भएको हुदा यसमा सहमति हुन सकेको थिएन । सदस्य पदको टुंगो लगाउन संघमा १ हजार ५ सय ६५ जनाले मतदान गरेका छन् । सिद्धार्थ उद्योग बाणिज्य संघको संशोधित बिधान बमोजिम अहिले ३२ जनाको कार्य समिति रहेको छ । अध्यक्ष १, वरिष्ठ उपाध्यक्ष, कर्पोरेट उपाध्यक्ष, उद्योग उपाध्यक्ष, बाणिज्य उपाध्यक्ष १÷१ जना, महासचिव १, कोषाध्यक्ष १, सचिव १ जना गरि ७ जना पदाधिकारी रहने संघका अध्यक्ष कुल प्रसाद न्यौपानेले जानकारी दिए ।

यस्तै बाणिज्य तथा ब्यपार क्षेत्रबाट एक जना महिला सहित ११ जना सदस्य, उद्योग क्षेत्रबाट एक जना महिला गरि ६ जना सदस्य, कर्पोरेट क्षेत्रबाट २ जना सदस्य र बस्तुगत समूहबाट १ जना गरि २८ जना निर्वाचनको माध्यमबाट आउने । ३ जना निर्वाचित कार्यसमितिले मनोनयन गर्ने र १ जना निर्वतमान अध्यक्ष पदेन सदस्य गरि जम्मा ३२ जनाको कार्यसमिति चयन हुने उनले बताए ।

संघको बाँकी रहेको १६ वटा सदस्य पदको लागी ३४ जना चुनावी मैदानमा उत्रिएका थिए । सदस्यमा अर्जुन कार्की, गंगा सागर अग्रहरी, रामवचन गुप्ता, कमल प्रसाद मरासीनी, प्रमोल रिजाल, बिशाल जयसवाल, धर्मविर शर्मा, संजय कुमार बेरिवाल, प्रितम रौनियार, संचित खन्ना र अभिनव मयुर कसौधनले उम्मेदवारी दिएका छन् ।

यस्तै बाणिज्य खुल्ला सदस्यमा धर्मराज आचार्य, त्रिलोकी प्रसाद गुप्ता, कृष्ण प्रसाद अधिकारी, गोपाल भण्डारी, हरिश सेठिया, दिनेशमान अमात्य, गौरव श्रेष्ठ र जवाहिर अग्रहरी भिड्दै छन् । उद्योग महिला सदस्यमा बिष्णुमाया शर्मा पौडेल, हेमा बेल्वासे केसी, पल्लवी न्यौपाने र मिना पन्थीले पनि आफ्नो उम्मेदवारी दिएका छन् । यस्तै उद्योग खुल्ला सदस्य तर्फ भुवन कुमार कान्दु, रामचन्द्र उपाध्याय, रमेश घिमिरे, हरि थापा, ओम जैसी, रचना क्षेत्री, उमाशंकर मिश्र, सुरेन्द्र उपाध्याय पौडेल, मंगल भण्डारी, पुरुषोत्तम लम्साल र सन्दिप पौडेल भिड्दै छन् ।

यसपटकको मतदानमा मतदाताले अनिवार्य रुपमा खुल्ला वाणिज्य तर्फ १० जनालाई र खुल्ला उद्योग तर्फ ५ जनालाई मत दिइने प्रावधान ल्याएको छ । संघमा १ हजार ९ सय ४ जना सदस्य रहेका छन् । मतदान सकिए पछि आजै मतगणना गरिने भएको छ । राती ८ बजे देखी मतगणना सुरु हुने निर्वाचन अधिकृत शिव गौडेलले जानकारी दिए ।