१७ असार २०७९, शुक्रबार

Jul 1, 2022

भैरहवा । राष्ट्रिय प्रजातन्त्र पार्टी (राप्रपा) का अध्यक्ष कमल थापाले अहिलेको राजनितिक माहौलले उचित निकास दिन नसक्ने बताउदै यसको उत्तम विकल्प ताजा जनादेश नै रहेको बताएका छन् ।

Advertisement

राष्ट्रिय प्रजातन्त्र पार्टी (राप्रपा) जिल्ला कार्य समितिले शुक्रबार भैरहवामा आयोजित पत्रकार सम्मेलन कार्यक्रममा बोल्दै थापाले अपवित्र गठबन्धनको खेलमा नलाग्न नेपाली कांग्रेसलाई सुझाव दिएका छन् । जनताले कांग्रेसलाई सत्ता चलाउन म्याण्डेट नदिएकोले कांग्रेस अपवित्र गठबन्धनमा लाग्यो भने त्यो जनताको भावना विपरीत हुने उनको तर्क रहेको छ । “नेपाली कांग्रेसले फोहोरी गठबन्धन बनाएर सत्तामा जाने वा निर्वाचनमा गएर ताजा जनादेशमा आउने ? बल अब नेपाली कांग्रेसको कोर्टमा छ । ” थापाले भने ।

सर्वोच्चले संविधानको धारा ७६ (१) को सरकारले प्रतिनिधिसभा विघटन गर्न सक्दैन भनेर संसद पुनस्र्थापना गरिदिएकाले अब कांग्रेसले धारा ७६ (२) अनुसारको सरकारको खेलमा नलागि ७६(७) अनुसार विघटनको विकल्पमा जानुपर्ने उनको भनाइ छ । नेकपा विभाजन भएमा सरकार गठनका लागि बल कांग्रेसको कोर्टमा पुग्ने भएकाले कांग्रेस फोहोरी राजनीतिको खेलमा लाग्न नहुने थापाले बताए । “ नेपाली जनताले कम्युनिष्ट फुटाउ अनि सत्तामा जाउ भन्ने म्याण्डेट दिएको हैन, त्यो सोही अनुसार गरे धारा ७६(७) अनुसार संसद बिघटन गरि ताजा जनादेशमा जानु पर्छ ।” थापाको भनाई छ ।

अध्यक्ष थापाले विप्लव नेतृत्वको नेपाल कम्युनिष्ट पाटीलार्ई शान्तिपूर्ण राजनीतिमा स्वागत गरेका छन् । सरकारले विप्लव नेतृत्वको पार्टीलाई मूलधारमा ल्याएर ठूलो सफलता हासिल गरेको पनि थापाको भनाइ छ । ‘यसले आफ्ना फरक मान्यता स्थापित गर्न हिंसा र विद्रोहको बाटोमा जानुपर्दैन भन्ने कुरा स्थापित भएको छ’–उनले भने । अध्यक्ष थापाले धर्मनिरपेक्षता, संघीयता र गणतन्त्रप्रति आफ्नो पार्टीको असहमति कायमै रहेको भन्दै मुलुकमा निम्तिने राजनीतिक अस्थिरताले धर्म परिवर्तन गराउन खोज्नेहरुलाई बल पुग्ने बताए ।

उनले २०७८ बैशाख २५ देखी २८ गते सम्ममा हुने केन्द्रिय महाधिवेशनको तयारीमा युद्धस्तरमा जुटेको उनले जानकारी दिए । पहिलो पटक एकता महाधिवेश हुन लागेको बताउदै उनले बिगतको भन्दा यो महाधिवेशन फरक बनाईएको बताए । बिगतमा जिल्ला र निर्वाचन क्षेत्रबाट मात्रै महाधिवेशन प्रतिनिधि छनौट गर्ने गरिएकोमा हाल त्यसलाई खारेज गरि अब महाधिवेशन प्रतिनिधिहरु प्रदेश सभा निर्वाचन क्षेत्रबाट सक्रिय सदस्यता लिएकाबाट निर्वाचित भएर आउनेलाई हुने उनले बताए । करिब ४ हजार ५ सय महाधिवेशन प्रतिनिधि सहभागी हुने महाधिवेशनले पार्टीलाई देशको अग्रणी पार्टीको रुपमा स्थापित गर्ने उनको भनाई छ ।

प्रतिकृया दिनुहोस्

Flash News

सरकारविरुद्ध राप्रपाको मसाल जुलुस [तस्बिरहरू] नेप्सेमा सामान्य अंकले गिरावट कानुनको परिपालना गराउन कानुनी शिक्षाको भूमिका अहम् : राष्ट्रपति भण्डारी टिकटक बनाउने क्रममा मोटरसाइकलले ठक्कर दिँदा एक बालिका घाइते महिला हिंसा नियन्त्रणका लागि विधि र प्रविधिको व्यवस्था गर्न सरकारसँग माग बुटवलमै छ मुलुकको ठूलो जर्मन प्रविधिको विद्युत उद्योग रविको पार्टी निर्वाचन आयोगमा दर्ता चट्याङ लागेर एक युवकको मृत्यु, दुई जना घाइते भारतमा संक्रमण बढ्दा पनि छैन् सीमानाकामा कडाई रवि लामिछानेको राष्ट्रिय स्वतन्त्र पार्टी दर्ता गर्ने निर्णय भएको छैन : आयोग पाल्पामा टिपर दुर्घटना, १ जना घाइते भुवन केसीलाई बोर्ड अध्यक्ष बन्न उमेर र शैक्षिक योग्यता बाधक बाढीले प्रभावित बारा निजगढको जनजीवन सामान्य बन्दै ‘दूरसञ्चार पूर्वाधारमा दोहोरो लगानीले उपभोक्तालाई आर्थिक बोझ’ नबिल बैंकमा सीईओको कार्यभार ढुंगानाले सम्हाले पाँच वर्षकी नाबालिकालाई जबर्जस्ती करणी गर्ने किशोर पक्राउ पोखरा महानगरले तोक्यो खुर्सानीदेखि धानसम्मको बिक्री मूल्य नेपालले भारतलाई बेच्यो एक महिनामै १ अर्ब ७२ करोड रुपैयाँको विद्युत् भैरहवा स्थित भिम अस्पतालका कर्मचारीद्वारा आन्दोलनका कार्यक्रम घोषणा सुनको भाउ घट्यो