१७ माघ २०७९, मंगलवार

Jan 31, 2023

बुटवल । बुटवलमा शुक्रबारदेखि खुल्ला लन टेनिस प्रतियोगिता सुरु भएको छ । कोभिड–१९ को महामारीपछि खेलकूदका गतिविधि बढिरहेका बेला चौथो बुटवल खुल्ला लन टेनिस प्रतियोगिता–२०७७ शुरु भएको हो ।

Advertisement

एक समारोहका बीच नगरप्रमुख शिवराज सुवेदीले प्रमुख प्रशिक्षक कृष्णराज घलेलाई बल हस्तान्तरण गरि प्रतियोगिता उद्घाटन गर्दै नगर खेलकुद विकास गठन गरि नगरका सबै खेल गतिविधिलाई ब्यवस्थापनका काम अघि बढाएको बताए । नगरमा खेलकूद विकासका लागि विभिन्न स्थानहरुमा राष्ट्रिय स्तरका सुविधासम्पन्न रङ्गशालाहरुको निर्माण भइरहेको बताए ।

नेपाल टेनिस संघका केन्द्रीय अध्यक्ष ज्योति राणाले कोभिड–१९ को संक्रमण कम भैरहेको बेला देशमै पहिलो बुटवलमा खुल्ला प्रतियोगिता आयोजना गरेर खेलाडीहरुको हौसला बढाउने काम भएको बताईन् । यस्तै नेपाल ओलम्पिक कमिटिका केन्द्रीय सदस्य दिर्घ बहादुर केसीले खेल विकासमा तीन तहकै सरकारबाट सहयोग जरुरी रहेको बताए । प्रतियोगिता आयोजना गर्न आर्थिक, भौतिक कठिनाई रहने भएको भन्दै यस क्षेत्रको प्रतिष्ठित तिलोत्तमा गोल्डकप आयोजनामा समस्या भएको दुखेसो गरे । खेलकुद आयोजनाका लागि स्थानीय सरकारको मुख्य सहयोग जरुरी रहेको बताए ।

नगर खेलकुद विकास समितिका अध्यक्ष नन्दु काउचाले नगरभित्रका खेलकुद पुर्वाधार विकासमा लागेको बताए । कार्यक्रममा काठमाण्डौमा सम्पन्न टिम टेनिस नेपाल जुनियर प्रिमियर नेशनल प्रतियोगितामा रुपन्देहीबाट पदक जितेका निश्चल ज्ञवाली, संघर्ष फौदार, ब्रिजेश अर्याल र योगेश ज्ञवाली तथा प्रशिक्षक विकास खड्कालाई रुपन्देही जिल्ला लनटेनिस संघले नगदसहित सम्मान गरेको छ । मन जयन्कर टेनिस एकेडेमीका अध्यक्ष मनोज राणाले रुपन्देही जिल्लालाई एक बकेट बल हस्तान्तरण गरेका छन् । संघका अध्यक्ष संजय श्रेष्ठले खेलाडी र खेलप्रेमीहरुको सहयोगमा प्रतियोगिता निरन्तरता दिन सफल भएको बताए ।

पहिलो दिनको उद्घाटन खेलमा खुल्लातर्फ पोखराका निरज गुरुङले बुटवलका दिपक अर्याललाई ६-०,६-० को सोझो सेटमा पराजित गर्दै दोस्रो चरणमा प्रवेश गरेका छन् । दोस्रो खेलमा खेलमा पोखराका अंकित अधिकारीले बुटवलका कृष्ण बश्याललाई ६-०,६-० ले पराजित गरेका छन् । चार दिनसम्म चल्ने प्रतियोगितामा सिङ्गलतर्फ १ सय ३ जना खेलाडी र डबल्सतर्फ १ सय ३७ खेलाडीले भाग लिएको संघका सचिव तथा खेल संयोजक गोपाल ज्ञवालीले बताए ।

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु