२० माघ २०७९, शुक्रबार

Feb 3, 2023

वैशाख १९,

Advertisement

भैरहवा । भैरहवास्थित विशेष आर्थिक क्षेत्र (सेज) मा सम्झौता गरेर पनि भू–बहाल शुल्क नबुझाएका उद्योगले एक साताभित्र शुल्क नबुझाए सम्झौता खारेज हुने भएको छ । विशेष आर्थिक क्षेत्र प्राधिकरणले एक साताभित्र भू–बहाल शुल्क बुझाउन सूचना जारी गर्दै शुल्क नबुझाए सम्झौता खारेज गर्ने स्पष्ट पारेको छ । विशेष आर्थिक क्षेत्र विकास समितिका सूचना अधिकृत सुन्दर थापाकाअनुसार गत चैत १३ र २८ गते दुईपटक आह्वान गर्दा पनि केही उद्योगले सम्झौताबमोजिम भू–बहाल शुल्क तिरेका छैनन् ।


विशेष आर्थिक क्षेत्र प्राधिकरणले शुल्क बुझाउन गत सोमबार तेस्रो पटक सूचना जारी गरेको हो । तेस्रो पटकमा पनि शुल्क बुझाउन नआए सम्झौता स्वतःखारेज हुने थापाले बताउनुभयो । उहाँकाअनुसार अझै पाँचवटा उद्योगले भू–बहाल सम्झौता गरेर पनि शुल्क बुझाएका छैनन् ।  साढे दुई वर्षअघि उद्योग सञ्चालनका लागि सम्झौता गरेको एक समूहले भने सम्झौता भङ्ग गरेको जनाएको छ । सिद्धार्थ औद्योगिक ग्रुपअन्तर्गतको एक्सन पोलिमर प्रालिले सम्झौता रद्द गरी धरौटीलगायतका सबै रकम फिर्ता गर्न सेजसँग माग गरेको छ ।


गत वैशाख ११ गते विशेष आर्थिक क्षेत्र प्राधिकरणमा कम्पनीले दर्ता गराएको निवेदनमा उद्योग सञ्चालनका लागि सहज वातावरण सिर्जना हुन नसकेकाले सम्झौता रद्द गरेको जनाइएको छ । उसले ०७३ भदौ ८ मा सेजसँग उद्योग सञ्चालनका लागि सम्झौता गरी जमिनको भाडा तिर्दै आएको थियो । कम्पनीका सञ्चालक तथा सिद्धार्थ ग्रुपका प्रबन्ध निर्देशक राजेश अग्रवालले भैरहवा सेज सञ्चालनमा अति ढिलाइ भएका कारण अब उद्योग खोल्नुको कुनै औचित्य नभएकाले सम्झौता रद्द गरेको बताउनुभयो ।


सेजमा दर्ता गरी भू–बहाल सम्झौता गरेका अधिकांश उद्योगले आवश्यक पूर्वाधारका लागि सम्झौता गरिसकेका छन् । एउटा उद्योगले परीक्षण उत्पादन थालेर विदेश निर्यातको अनुमति मागेको छ ।
सूचना अधिकृत थापाका अनुसार सेजमा एकैपटक १० उद्योग स्थापना हुन थालेका छन् । सेजमा सञ्चालनमा आएको शक्ति मिनरल्स प्रालिले विदेशमा निर्यातका लागि अनुमति मागेको छ । एलईडी म्यानुफ्याक्चरिङ इन्डस्ट्रिज, भारतीयलगानीको स्टिलका भाँडाबर्तन बनाउने भिस्टार ग्लोबल प्रालि, एस प्लास्टिक कम्पनीले उद्योग स्थापनाको काम गरिरहेका छन् ।

पञ्चकन्या समूहले स्टिल ट्याङ्की, फाइपको सीपीभीसी फिटिङ, पीभीसी र पीपीआर पाइप फिटिङको चारवटा उद्योग स्थापनाको तयारी गरेको छ । नानु हर्बल उद्योगसहित अन्य एउटा उद्योग पनि स्थापनाको तयारीमा छ । पञ्चकन्या औद्योगिक समूहका उपाध्यक्ष ध्रुवकुमार श्रेष्ठले आफ्ना चारवटै उद्योग सेजमा स्थापना गर्नका लागि जमिन सम्याउने काम चलिरहेको बताउनुभयो ।
विशेष आर्थिक क्षेत्र ऐन, २०७३ संशोधनपछि कतिपय कानुनी बाधा अड्चन सुल्झिएकाले सञ्चालनमा सहजता भएको विशेष आर्थिक क्षेत्र विकास समितिका सूचना अधिकृत थापाले बताउनुभयो । गत चैत दोस्रो साता ऐन संसद्बाट पारित भएर राष्ट्रपतिबाट स्वीकृत हुने क्रममा छ । पछिल्लो संशोधनले उद्योगले निर्यात गर्नुपर्ने उत्पादित वस्तुको प्रतिशत घटाउनुका साथै सेजलाई तिर्नुपर्ने जग्गा भाडाको दर कम गराएको छ ।


७५ प्रतिशत उत्पादन विदेश निर्यात गर्नुपर्ने प्रावधान हटाएर ६० प्रतिशतमा झारिएको छ । संशोधित ऐनले उद्योगले मेसिन तथा उपकरणको आयात गर्दा विशेष आर्थिक क्षेत्रको सिफारिसमा भन्सार छुट पाउने व्यवस्था गरेको उहाँले जानकारी दिनुभयो । -लक्ष्मण पौडेल/गोरखापत्र

प्रतिकृया दिनुहोस्

Flash News

माओवादी स्थायी कमिटी बैठक आज पनि, बिभागको भागबन्डा अझै टुंगिएन क्रिकेटर सन्दिप विरुद्धको पुनरावेदनमा आज सुनुवाई हुँदै एभरेष्ट बैंक र सिद्धार्थनगर सिटी अस्पताल बीच सम्झौता रास्वपाको २ दिने अल्टिमेटम, गृहमन्त्री नपाए सरकारबाट बाहिरिने आगजनी मुद्दामा पक्राउ परेका अरुणकुमारलाई रिहा गर्न २४ घण्टे अल्टिमेटम रवि लामिछाने बारे! मिलीजुलीले तिनाउमा दियो सहकारी शिक्षा नेपाल प्रहरीमा ९५ जना एसपीको सरुवा रास्वपाले समर्थन फिर्ता लिँदैन, सत्ता समीकरण यथावत रहन्छ : प्रधानमन्त्री चाइनिज पेस्तोल र ६ राउण्ड गोलीसहित दुई जना पक्राउ एक बालिका र युवतीलाई बलात्कार गरेको आरोपमा दुईजना पक्राउ रविलाई फेरि गृहमन्त्री बनाउनुपर्ने माग गर्दै जुम्लामा एक जनाले गरे आत्मदाह प्रयास सेयर बजार २२.१२ अंकले घट्याे बालविवाह राेक्न मर्चवारीमा बिमा कार्यक्रम सांसद अरुणकुमार चौधरी पक्राउ कालिन्चोक दर्शनको आईपीओ बाँडफाँट रारा आउने पर्यटक चालिस प्रतिशतले घटे रास्वपाको केन्द्रीय समिति र संसदीय दलको संयुक्त बैठक आह्वान एकीकृत समाजवादीको बैठकमा घनश्याम भुसाल तिलोत्तमाको भूपु सैनिक आधारभुत विद्यालयमा चित्रकला प्रतियोगिता