November 29, 2020, Sunday
२०७७ मंसिर १४, आईतवार

लठौवा नृत्य !

177

मयुरको प्वाख बाँधेर देखाइने लठौवा नृत्य जगेर्ना गर्ने कार्यमा युवाहरु लागेका छन् । तस्वीर: राजेन्द्रप्रसाद पनेरु/रासस

कञ्चनपुर । यो नाच समूहमा देखाइने गरिन्छ । दुई वटा लहरमा आकर्षक पहिरनमा रहने युवाहरुले मादलको तालसँगै विभिन्न मुन्द्रमा नाचलाई पस्कने गर्दछन् । तान्त्रिक विधिको प्रयोग गरी लठौवा नाच देखाइने गरिन्छ । नाच निकै आकर्षक र मनमोहक हुने भएकाले दर्शकले यस नाचको बढी माग गर्ने गर्दछन् । हातमा लाठी(लौरो) लिएका युवाहरुले पिथ्युँमा मयुरको प्वाँख बाँधेर आकर्षक तरिकाले परम्परागत गीत गाउँदै नाचलाई प्रस्तुत गर्दछन्।

नाच टोलीलाई भवितव्यबाट जोगाउन गुरुबासमेत सँगसँगै हिँड्ने गर्दछन । गुरुबाले निश्चित घेरा बनाएपछि नाचलाई सोही ठाउँमा देखाउने गरिन्छ । थारु समुदायको यस सामूहिक लोक नृत्यमा एक जना हास्यव्यङ्ग्य गर्ने व्यक्ति पनि रहने गर्दछन् । यिनलाई थारु भाषामा ‘सोङ्ग्या’ भन्ने गरिन्छ । नृत्यमण्डलीमा रहने गुरुबा (तान्त्रिक) ले परम्परागत विधिद्वारा नाचको प्रारम्भ गर्ने र पूजा विधिद्वारानै समापन गर्ने गर्दछन् ।

शुक्लाफाँटा नगरपालिका-९ नौखरी बस्तीका थारु युवाहरु तिहारका अवसरमा आयोजित कार्यक्रममा परम्परागत लठौवा नृत्य देखाउँदै । तस्वीर: राजेन्द्रप्रसाद पनेरु/रासस
global-corona-notice

पछिल्लो अपडेट