१४ मंसिर २०७९, बुधबार

Nov 30, 2022

भैरहवा । लुम्बिनी बिकासको गुरुयोजना सम्पन्नतातिर लम्केको छ । लुम्बिनी धेरै समय पछि तोकिएको रुप रेखामा देखिन थालेको छ । लुम्बिनी गुरुयोजना बनेको करिब ४ दशक पछि अहिले लुम्बिनीको बिकास ब्यवस्थित रुपमा हँुदै गएकोमा बिकास कोषका पदाधिकारी मात्र नभई स्थानीयहरु समेत सन्तुष्ट देखिन्छन । धेरै आरोह अवरोहहरु पारे गरेको लुम्बिनी गुरुयोजना पूरा हुन अझै केही वर्ष लाग्ने भए पनि अब गुरुयोजना पूरा हुने आश लिन सकिन्छ ।

Advertisement

पछिल्लो समय लुम्बिनीमा सम्पन्न भएको भौतिक पूर्वाधार र पुरा हुने तरखरमा रहेका पूर्वाधारहरुले गुरुयोजनालाई मूर्त रुप दिन थालेको छ । गुरुयोजना पूरा गर्नुको साथै लुम्बिनी विकास कोषले अहिले स्थानिय स्तरमा पनि राम्रो छवि बनाउदै लगेको छ । “पर्खाल भित्रको लुम्बिनी र पर्खाल बाहिरको लुम्बिनी” भन्ने स्थानियहरुको गुनासोलाई पनि बिकास कोषले न्यूनिकरण लगेको कोषको भनाई छ ।

यसैको प्रयास स्वरुप अहिले पवित्र उद्यान क्षेत्रमै पर्ने पर्सा–लोहखडिया मार्गलाई सौन्दरीकरण थालिएको छ । पवित्र उद्यानको प्रवेशद्वार रहेको पर्सादेखि तौलिहवा जाने मूल सडकको लोहखडिया चोकसम्म करिब ८ सय मिटर सडक खण्डलाई कोषले सुन्दरीकरण गर्न सुरु गरेको छ । ५ करोड ३५ लाख ११ हजार ९ सय ५६ रुपैया लागतमा सडकको दुवैतर्फ हरियाली, फुटपाथ, सौर्यबत्ती सहितको पूर्वाधार तयार पारिने कोषले जनाएको छ ।

कोषका योजना अधिकृत सरोज भट्टराईका अनुसार २०७८ सालको माघ महिना भित्रमा सकिने गरि लुम्बिनी–अर्घाखाँची–बाबुल जेभीलाई यसको ठेक्का दिईएको छ । यस्तै करिब २ करोड ५० लाख लागत लाग्ने गरि स्वागत द्वारको डिजाईन पनि स्विकृत भई सकेको र चाडै नै टेण्डर प्रक्रियामा जाने भट्टराईले जानकारी दिए । लुम्बिनी विकास कोषका सदस्य सचिव सानुराजा शाक्यले लुम्बिनीमा अब भौतिक पूर्वाधार मात्र नभई यसको सौन्दरीकरणमा पनि जोड दिईने बताए । “सौन्दरीकरणको प्रयास स्वरुप नै पर्सा–लोहखडिया मार्गलाई सौन्दरीकरण थालिएको छ ।” उनले भने यसले “यसले लुम्बिनी घुम्न आउने तिर्थालु मात्र नभई स्थानियहरुलाई पनि उत्तिकै महत्व राख्नेछ ।” भैरहवा–तौलिहवा सडकखण्डमा रहेको पर्सा–लोहखडिया मार्ग पवित्र उद्यान भएर गएको छ ।

लुम्बिनी विकास कोष अहिले ३ वटा प्राथमिकता निर्धारण गरि अगाडि बढेको लुम्बिनी बिकास कोषका उपाध्यक्ष भिक्षु मेत्तेयले बताए । लुम्बिनीको विकासको लागी लुम्बिनी गुरुयोजना, लुम्बिनी भित्रको पर्खाललाई लुम्बिनी बाहिर कसरी जोडने र स्थानियहरुको शिक्षा, स्वास्थ्य र कृषिलाई प्राथमिकतामा राखी लुम्बिनी वरिपरि करिब ८ किलोमिटरको क्षेत्रमा शहरी करणको खाका रहेको उनले बताए । यसका प्रयास पनि थालिएको उनले जानकारी दिए । उनले ३० शैया क्षमताको मातृ–शिशु अस्पताल निर्माण सुरु गरिएको बताए ।

उपाध्यक्ष मैत्तेयले लुम्बिनीमा २ प्रकारको आन्तरिक परिवर्तन गर्न थालिएको बताए । उनले तिर्थालुहरुको शान्तीको महशुश गराउन लुम्बिनीलाई प्राकृतिक रुपमा तयार पारिने बताए । यसका साथै लुम्बिनी बाहिरको क्षेत्रलाई पनि लुम्बिनीसंगै बिकास गर्दै लैजाने उनले दावी गरे । यसैको प्रयास स्वरुप पर्सा–लोहखडिया मार्गको सौन्दरीकरण, स्वागतद्वार निर्माण सुरु गरिएको उनले बताए । साथै भैरहवा लुम्बिनी, तौलिहवा, सैनामैना, देवदह र रामग्राम लगायत बौद्ध परिपथ जोड्ने गरि द्रुतमार्गको पनि कोषले परिकल्पना गरेको उनले जानकारी दिए ।

प्रतिकृया दिनुहोस्

Flash News

विकासका कामहरुमा राजनीतिक रँग नदिन छत्रकाेट गाउँपालिकाका अध्यक्ष पाण्डेकाे आग्रह गृहमन्त्री खाणकै गृहजिल्ला रुपन्देहीमा कांग्रेस शुन्य, कार्यकर्ता असन्तुष्ट समानुपातिकतर्फ कसको कति मत ? भ्रष्टाचार आराेपमा दाङका तत्कालिन प्रमुख डिभिजनल इन्जिनियर विरुद्ध मुद्दा दायर स्याङ्जा २ र बाजुरामा पुनः मतदान नहुने, गणना सुरु गर्न आयोगको निर्देशन लुम्बिनीका कर्मचारी आन्दोलित : बुटवलबाट रातारात कुम्लो पारेर राजधानी सार्न हुँदैन कर्णाली सरकार गठनका लागि शक्ति केन्द्र धाउँदै नेताहरु अतिक्रमण गरेर बनाइएका संरचना ३५ दिनभित्र हटाऊ : उपत्यका विकास प्राधिकरण पोलियो खोपको तयारीमा रहेकाे प्रहरी ट्रकमा आत्मघाती हमला, ३ जनाको मृत्यु प्रत्यक्षतर्फ महिला निर्वाचित नहुँदा सुदूरपश्चिममा समानुपातिक कोटाबाट संसद छिर्न चाहने पुरुषलाई समस्या १६५ निर्वाचन क्षेत्रमा १६१ को अन्तिम नतिजा सार्वजनिक, हेर्नुहोस कहाँ कसले जिते ? स्याङ्जामा सुन्तला उत्पादन वृद्धि भएपछि किसान उत्साहित अरबाज खान र जर्जियाको ब्रेकअप सोलुखुम्बुका एक हजार परिवार बिजुलीविहीन चीनको आणविक हतियार सन् २०३५ सम्ममा तीन गुणा बढी: अमेरिका भैरहवा आँखा अस्पतालमा अत्याधुनिक मोडुलर शल्यक्रिया कक्ष स्थापना गरिने १ करोड मतगणना हुँदा कुन दलको कति मत ? सुकुमवासी समस्या समाधान गर्न प्रधानमन्त्री कार्यालयले संयोजन गर्नुपर्छ : पूर्वप्रधानमन्त्री भट्टराई एक दर्जन निर्माण कम्पनी कालो सूचिमा पर्दा बुटवलको सडक अलपत्र पार्ने ठेकेदारलाई उन्मुक्ति हार्दिक श्रद्धाञ्जली एन.बी. जी !