१० मंसिर २०७९, शनिबार

Nov 26, 2022

काठमाडौँ । हालै सम्पन्न अमेरिकी राष्ट्रपतिय चुनावमा डेमोक्र्याटिक पार्टीका उम्मेदवार जो बाइडनले बहुमत भन्दा धेरै इलेक्ट्रोरल भोट ल्याएर विजयी भैसकेका छन् । यद्यपी, आधिकारिक घोषणा भने भएको छैन ।

Advertisement

विश्वकै सबैभन्दा शक्ति राष्ट्रको सर्वोच्च पदमा निर्वाचित भएपछि बाइडनलाई विश्वभरका नेताहरुले बधाई दिइरहेका छन् । यतिसम्म कि, कतिपय विपन्न देशका जनताले समेत बाइडन र कमला ह्यारिसको तस्बिर सामाजिक सञ्जालमा पोस्ट गर्दै उनीहरुलाई बधाइ र शुभकामना दिए । ह्यारिस अमेरिकाको इतिहासमा पहिलो महिला उपराष्ट्रपति हुन् । तर, केही शक्तिशाली देशका प्रमुख र नेताले भने बाइडन र ह्यारिसको जितप्रति कुनै पनि प्रतिक्रिया दिएका छैनन् ।

छिमेकी राष्ट्र मेक्सिकोले समेत बाइडनलाई बधाई दिन हिच्किचाएको अन्तराष्ट्रिय सञ्चारमाध्यमले जनाएका छन् । मेक्सिकन राष्ट्रपति एन्द्रेस म्यानुएल लोपेज ओब्रादोरले दुई देशबीचको समस्या समाधान नभएसम्म बधाई नदिने बताए । ओब्रादोरले प्रेस सम्मेलनको क्रममा भने, ‘चुनावसँग सम्बन्धित सबै कानुनी मुद्दा समाधान नभइन्जेल हामी रोकिन्छौँ, हामी लापरवाही गर्दैनौँ ।’ तर, डोनल्ड ट्रम्प र जो बाइडेन दुबै नेतासँग मेक्सिकोको उत्तिकै राम्रो सम्बन्ध भएको ओब्रादोरले बताए । ओब्रादोर ट्रम्प निकट मानिन्छन् ।

यस्तै, दक्षिण अमेरिकाकै ठुलो देश ब्रालिजका राष्ट्रपति जइर बोल्सोनारो र साउदी अरेबियाका राजकुमार मोहमद बिन सलमानले बाइडनको जितमा कुनै प्रतिक्रिया दिएका छैनन् ।अमेरिकापछि सबैभन्दा शक्तिशाली मानिएका शक्ति राष्ट्र चीन र रसियाका राष्ट्रपतिले राष्ट्रपति सी जिनपिङ र भ्लादिमिर पुटिनले बाइडनलाई बधाई नदिएको बताइएको छ । देशको तर्फबाट समेत कुनै शुभकामना बधाई नदिइएको सञ्चारमाध्यमले जनाएका छन् ।

चुनावी प्रतिस्पर्धाको बीचमा बोल्सोनारो र बाइडनबीच सम्बन्ध चिसिएको बताइन्छ । बाइडनले ट्रम्पसँगको पहिलो बहसको क्रममा अमेजोन जंगल रक्षाका लागि ब्राजिललाई दबाब दिनुपर्ने बताएका थिए । तर बोल्सोनारोले लगत्तै उक्त भनाइको खण्डन गर्दै बाइडेनको भनाइलाई ‘विनाशकारी’को संज्ञा दिए ।

नेपालका राष्ट्रपति विद्यादेवी भण्डारी, प्रधानमन्त्री केपी शर्मा ओली, भारतका प्रधानमन्त्री नरेन्द्र मोदी, इजरायलका प्रधानमन्त्री बेन्जामिन नेतान्याहु, फिलिपिन्सका राष्ट्रपति रोड्रिगो दुतेर्ते लगायत नेताहरुले भने बाइडन निर्वाचित भएलगत्तै बधाइ दिएका थिए ।

प्रतिकृया दिनुहोस्

Flash News

कान्ति माध्यमिक विद्यालयमा स्वागत कार्यक्रम तिलोत्तमामा मंसिर १५ देखि औद्योगिक व्यापार मेला, २५ करोड बढी आर्थिक कारोबरको लक्ष्य रवि लामिछानेको चुनावी खर्च ११ लाख ८१ हजार गण्डकीमा सांसदः १५ जना ५० वर्ष मुनिका, ८ जनाले ६० नाघे पाका चिन्तामणी बाको जीत द्वन्द्वकालको पीडामा न्याय भानुभक्त ढकाललाई हराए सुनिल शर्माले, रेखा थापा तेस्रो पाँच वर्ष अघि ३६ सिट जितेको माओवादी १८ सिटमा सीमित, सुदूरपश्चिममा निल कांग्रेस नेता अजुर्ननरसिंह केसी नुवाकोटबाट निर्वाचित आवासीय भवनमा आगलागी, १० जनाको मृत्यु रुपन्देही-३ मा ८४ हजार ७४ मत गणना, दिपक बोहोराको अग्रता कायमै तराईमा हुस्सु लाग्न थाल्यो, सावधानी अपनाउन अनुरोध एमाले उपाध्यक्ष विष्णु पौडेल रुपन्देही-२ बाट निर्वाचित रुपन्देही-२ मा विष्णु पौडेलको अग्रता कायमै, ३ हजार ९१६ मत गन्न बाँकी जन्ती बोकेको जिप दुर्घटना आवश्यक परे गठबन्धन गर्ने रवि लामिछानेको भनाइ रुपन्देही-२ मा विहानदेखि अवरुद्ध मतगणना सुरू आगामि सरकारका आर्थिक चुनौती जेलमै बसेर रेशमले जिताइदिए बुवा र श्रीमतीलाई देउवा क्याविनेटका १२ मन्त्री : कसले जिते, कसले हारे ? समानुपातिकतर्फ राष्ट्रिय स्वतन्त्र पार्टी तेस्रो, कुन दलको मत कति ?