भैरहवा । रुपन्देहीको भैरहवा–लुम्बिनी सडक खण्ड अन्तर्गत मायादेवी गाउँपालिकाका एक बालकको टिप्परको ठक्करबाट मृत्यु भएको छ । सोमबार आज मायादेवी गाउँपालिका वडा नं. ८ स्थ्ति विश्वकर्मा मन्दिर नजिकै टिप्परले ठक्कर दिँदा पैदल हिँडेका स्थानीय सुग्रिव हरिजनका ८ वर्षिय छोरा रघुबिर हरिजनको मृत्यु भएको जिल्ला प्रहरी कार्यालय रुपन्देहीले जनाएको छ ।
उनलाई लुम्बिनीबाट भैरहवातर्फ आउँदै गरेको लु १ क ११७४ नम्बरको टिप्परले ठक्कर दिएको हो । टिप्परको ठक्करबाट उनको घटनास्थलमै मृत्यु भएको प्रहरीले जनाएको छ । ठक्कर दिने टिप्पर र टिप्पर चालकलाई प्रहरीले नियन्त्रणमा लिएको छ ।
प्रतिक्रिया