मखमली र थुङ्गे फुलले आँगन ढाक्न थाले
संगीसँग पिङ खेल्न गाउँले जम्मा हुन थाले ।
हर्षसित बुढी आमा पिठो पिस्न थालिन्
थन्किएका भाँडाकुँडा चम्काउन लागिन् ।
घरभरी आफन्तको आउ–जाउ बढ्यो
मामा घरमा केटाकेटीको आवाज सार्है गुन्ज्यो ।
गृह बाटो जता–ततै झिलिमिली हुने भयो
बुढी आमाको घरमा फेरि खुसियाली छाउने भयो ।
नयाँ–नयाँ पहिरनमा सजिने समय आयो
निलो आकाशमा चराचुरुङ्गी उड्ने बेला भयो ।
रातो टीका अनि जमरा लाउने दिन आयो
भाइचारा सम्बन्ध फेरि प्रगाढ हुने बेला भयो ।।
युनिकोड
मिति रूपान्तरण
ग्लोबल आवाज
प्रतिक्रिया