बुटवल । पछिल्लो २४ घण्टामा नेपालमा थप ३०९३ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डा।जागेश्वर गौतमले पछिल्लो २४ घण्टामा देशभर गरी ३०९३ जनामा कोरोना संक्रमण भएको बताएका हुन् ।
यससँगै कुल संक्रमितको संख्या १ लाख ३९ हजार १२९ पुगेको छ । यस्तै पछिल्लो २४ घण्टामा २ हजार १०८ संक्रमित डिस्चार्ज भएका छन् । कुल निको हुनेको संख्या ९६ हजार ६०६ पुगेको छ । हाल देशभर गरी ४१ हजार ७५५ जना संक्रिय संक्रमित रहेका छन् । यस्तै कोरोनाबाट थप ८ जना संक्रमितको मृत्यु भएको स्वास्थ्य मन्त्रालयले जनाएको छ । यो सँगै कोरोनाबाट मृत्यु हुनेको संख्या ७६५ पुगेको छ ।
युनिकोड
मिति रूपान्तरण
ग्लोबल आवाज
प्रतिक्रिया